Raŭma dialekto
Raŭma dialekto (propra nomo Rauman giäl) estas dialekto de la finna lingvo. Ĝi tre diferencas de la finna lingvo kaj ĝi havas multajn vortojn interalie el la sveda lingvo kaj el la estona lingvo, sed ankaŭ el aliaj lingvoj parolataj ĉirkaŭ la Balta Maro - evidente ilin alportis lokaj maristoj al la marhavena urbo Raŭmo.[1] Ankaŭ iuj homoj asertas ke ĝi ne estas dialekto kaj ke ĝi estas lingvo. Raŭma dialekto estas parolata en kaj ĉirkaŭ la urbo Raŭmo.[2][1] Raŭma dialekto estas skribata kaj iuj homoj verkas librojn en la dialekto, pro tio iuj homoj asertas ke ĝi estas diferenca lingvo.[2][1][3]
La dialekto de Raŭmo estas unu el la sudokcidentfinnaj dialektoj kaj en la lando estas konsiderata la plej malfacile komprenebla finna dialekto. Karakterizaĵoj de la Raŭma dialekto estas la voĉaj sonoj b, d kaj g, kiuj ne troviĝas en norma finna, la preterlaso de literoj en finnaj vortoj kaj malsama vortprovizo, kiu inkluzivas ne nur multajn vortojn de sveda deveno, sed - pro marveturado - ankaŭ el diversaj aliaj lingvoj.
Por la loĝantoj de Raŭmo, la dialekto estas forta identecforma trajto: ekzistas signo sur la vojo ĉe la urbolimoj de Raŭmo kiu bonvenigas alvenantojn en la Raŭma dialekto per Ol niingon gotonas (Ole niinkun kotonasi = "Sentu vin hejme") kaj deziras "Luanikast reissu" ("Bonan vojaĝon")[4] ĉe la elirejo. Tamen, la dialekto estas parolata de pli kaj malpli da homoj kaj estas minacata de formorto.
La loka reklama gazeto Uusi Rauma ("Nova Raŭmo") havas rubrikon en la raŭma dialekto en ĉiu numero kaj kompletan numeron ĉiun junion en kiu eĉ la reklamoj kaj bildstrioj estas skribitaj en la raŭma dialekto.
Referencoj
[redakti | redakti fonton]- ↑ 1,0 1,1 1,2 Vidu ankaŭ la prezenton pri la "Raŭma lingvo" en la urba retejo, en Esperanto laŭ la stato de somero 2013, ligita inter la eksteraj ligiloj
- ↑ 2,0 2,1 artikolo de septembro 2015 en la regiona gazeto LS (Länsi Suomi), arkivigita en oktobro 2023 (finne)
- ↑ http://www.rpr.fi/raumalle/raumaennenjanyt.php
- ↑ "Vojaĝo" (dialekte reissu) en la germana estas Reise, en la nederlanda, la platgermana (kiu mezepoke estis parolita en la Hansaj urboj ĉirkaŭ la Balta Maro) kaj ankaŭ en la estona estas reis, en la sveda resa - sed en la finna estas matka, tute alia vorto.