Matt GL

Matt
Blazono de Matt
Akvarelo Sernfvalo de Hans C. Escher von der Linth
vilaĝo • former municipality of Switzerland
Kantono	Glaruso
Komunumo(j)	Glaruso Sudo
Geografia situo	CH1903: 731844 / 202879 (mapo)46.9638888888899.1711111111111 f1
Nombro de loĝantoj	377
Areo	41,27 km²
Alteco	831 m super marnivelo
Poŝtkodo	8766
Mapo de Matt

Pri la komunumo

Matt estis ĝis la 31-a de decembro 2010 politika komunumo en Kantono Glaruso, en Centra Svislando. Ĝi havis 377 loĝantojn je la 31-a de decembro 2008. Kun efiko de la 1-a de januaro 2011 la komunumo Matt estis integrita al la nova komunumo Glaruso Sudo.

Geografio

Matt situas en la supra valo de la rivero Sernf, flanka rivero de Linth. Al la iama komunumo apartenas krom la ĉefvilaĝo mem la setlejoj Auen, Brumbach, Stalden kaj Weissenberge.

Najbaraj komunumoj ĝis la komunuma reformo

La komunumo Matt limis en nordo al Engi, en nordoriento al Flums (SG), en oriento al Mels (SG), en sudo al Elm, kaj en okcidento al Schwanden.

Trafiko

Ĝis en la jaro 1969 inter Schwanden kaj Elm ekzistis la tiel nomita Sernfvalo-Fervojo, kiu tiam estis anstataŭigita per aŭtobuslinio. Per tiu buslinio Matt estas hodiaŭ konektita al la publika transportreto. De Matt aertelfero kondukas al la tutjare loĝata montara setlejo Weissenberge.

Monda naturheredaĵo

Matt apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.

Historio

La unua dokumenta mencio de Matt datiĝas el la jaro 1273 kiel Mattun.

Kun efiko de la 1-a de januaro 2011 la komunumoj Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi, kaj Sool estis surbaze de la glarusa komunumreformo kunigitaj al la nova komunumo Glaruso Sudo.

Vidu ankaŭ

• Aliaj lokoj kun la nomo Matt

Eksteraj ligiloj

• Oficiala retejo de la komunumo Matt Arkivigite je 2016-03-03 per la retarkivo Wayback Machine
• Matt en la Historia Leksikono de Svislando