Gondolo
Gondolo estas longa mallarĝa boato tipa en Venecio. Ĝi iamaniere iĝis simbolo de la urbo kaj turisma allogaĵo per si mem.
La veneciaj boatoj havas malnovegan historion, kiu ligiĝas kun tiu de la urbo kaj klarigas la karakteron de ĝiaj loĝantoj, de ĉiam vivantaj surtere kaj surmare. Ĝuste pro tio, la veneciaj gondoloj havas platan fundon, tiel ke ili povu senĝene transiri de la akvo al la tero kaj inverse. Pro tio venecianoj remas starante, kvazaŭ piedire, kaj pro tio en multajn veneciajn domojn oni povas eniri ankaŭ sur boato, utiligante tiucelan ejon teretaĝe, kien la mara akvo libere eniras.