Datiskacoj

Kiel legi la taksonomion Datiskacoj
kanaba datisko (Datisca cannabina)
Biologia klasado
Regno: plantoj Plantae Subregno: trakeofitoj Tracheophyta Superdivizio: spermatofitoj Spermatophyta Divizio: angiospermoj Angiospermae Klaso: dukotiledonoj Magnoliopsida Subklaso: rozedoj Rosidae fabedoj Fabidae Ordo: kukurbaloj Cucurbitales Familio: datiskacoj Datiscaceae Dumort.
Tipa genro
datisko Datisca L.
Aliaj Vikimediaj projektoj

La datiskacoj (latine Datiscaceae) estas planta familio el la dukotiledonaj angiospermoj. Tiu familio apartenas al la ordo kukurbaloj (Cucurbitales). Ĝi enhavas ununuran genron (datisko) kaj 2 speciojn.

Antaŭe oni klasigis du pliajn genrojn, Octomeles kaj Tetrameles inter la datiskoj, sed ili nun klasiĝas en la familio Tetramelaceae.

La datiskacoj kreskas orientazie kaj amerike en la tropikoj kaj subtropikoj. Ili estas plurjaraj moltigaj plantoj aŭ arboj kun alterne starantaj folioj. La floroj estas ĝenerale unuseksaj kiel la planto. La ovario estas sube staranta, formiĝinte el pliaj karpeloj.

• Datisca cannabina kreskas de Okcident-Azio ĝis Nord-Barato. Ĝi enhavas flavan farbaĵon, kiu estas longe uzata por silkofarbo. Kuracplanto, ĝi efikas kontraŭ febro kaj stomakaj malsanoj.
• Datisca glomerata kreskas de Meksiko ĝis Kalifornio.

Taksonomio

Laŭ World Flora Online kaj The Plant List (20 maj. 2020), jen ĉi-sube la listo de la akceptitaj taksonoj, kaj ties Esperantaj nomoj:

• Angiospermae - angiospermoj
  • Cucurbitales Juss. ex Bercht. & J.Presl - kukurbaloj
    • Datiscaceae Dumort. - datiskacoj
      • Datisca L. - datisko
        • Datisca cannabina L. - kanaba datisko
        • Datisca glomerata (C.Presl) Baill. - aglomerita datisko