Ammazzavampiri
|
C'l artìcul chè 'l è scrit in
Miranduléś |
 Fright Night
| ||
| Ammazzavampiri | ||
 William Ragsdale in na figùra dal film | ||
| Masa-vampîr 1985 | ||
|---|---|---|
| Regìa: Tom Holland | ||
| Scritōr: Tom Holland | ||
| Atōr: Chris Sarandon • William Ragsdale Amanda Bearse • Roddy McDowall • Art Evans Stephen Geoffreys • Jonathan Stark • Bob Corff | ||
| Müsica: Brad Fiedel | ||
| Léngua: Ingléś | ||
| Dürä dal film: 106 minüt | ||
| Nasiōṅ: Stat Unî | ||
Ammazzavampiri (Masa-vampîr) 'l è 'n film ad scarésa americàṅ dal 1985 ad Tom Holland ch'al 'l à anc scrit. Al gh'à abû 'n séguit tri an dòp da 'l tìtul Ammazzavampiri 2 e 'n arfacimènt in dal 2011 cun Colin Farrell, Fright Night - Il vampiro della porta accanto.
Custâ manc déś migliòṅ ad dòlar, al film al 'n à fat pò sù dagnóra vint-sinc.
Sunt
Charley Brewster (William Ragsdale) 'l è 'n śōvan ch'al và mat p'r i film ad scarésa su i vampîr. Na nòt, méntar 'l è in cambra cun la sò muróśa Amy Peterson (Amanda Bearse), al buta 'l òć fóra da la fnèstra faghénd a mènt ch'al sò vśèṅ ad cà nóṿ Jerry Dandridge (Chris Sarandon) 'l è drē a purtàr via na casa da mòrt insém a 'n tisi ciamâ Billy Cole (Jonathan Stark). Esénd che da quànd 'l è rivâ lè Jerry i èṅ tacàdi a murìr dal dóni masàdi, Charley al taca a crédar che chi lò al sia 'n vampîr dabòṅ.
Ninsòṅ però a créd a i sò suspèt, mia sò màdar Judy (Dorothy Fielding) e gnanc al sò amìg Ed (Stephen Geoffreys) o la pulisìa. Al ragàs al decìd acsè ad dmandàr ajùt a 'l sò atōr preferî, Peter Vincent (Roddy McDowall), òṅ che na vòlta al gh'iva sucès mo ch'adès al s è ardùt a tōr part a 'n telefìlm da 'l tìtul „Óri 'd scarésa“ in du 'l dà la casa a i ciùcia-sànguv.