Neidio i'r cynnwys

Sāzmān-e mojāhedin-e khalq-e irān

Oddi ar Wicipedia
Sāzmān-e mojāhedin-e khalq-e irān
Enghraifft o'r canlynolmudiad terfysgol, mudiad gerila, plaid wleidyddol, private army, Intelligence gathering network, troll farm, Cwlt Edit this on Wikidata
IdiolegIslamic socialism Edit this on Wikidata
Label brodorolسازمان مجاهدين خلق ايران Edit this on Wikidata
Dechrau/Sefydlu5 Medi 1965 Edit this on Wikidata
PencadlysAuvers-sur-Oise compound, Ashraf-3, Camp Liberty, Dinas Ashraf Edit this on Wikidata
Enw brodorolسازمان مجاهدين خلق ايران Edit this on Wikidata
GwladwriaethIran Edit this on Wikidata
Gwefanhttp://www.mojahedin.org/ Edit this on Wikidata
Tudalen Comin Ffeiliau perthnasol ar Gomin Wicimedia

Plaid wleidyddol a mudiad chwyldroadol parafilwrol Iranaidd mewn alltudiaeth sy'n credu mewn sosialaeth Islamaidd yw'r Sāzmān-e mojāhedin-e khalq-e irān (Perseg سازمان مجاهدين خلق ايران "Mujahedin y Bobl Iran"), a adwaenir hefyd fel y PMOI (People's Mojahedin of Iran) neu'r MEK neu MKO. Ei nod yw dymchwel llywodraeth bresennol Iran. Ei arweinydd yw Maryam Rajavi, a Seddigheh Hosseini yw'r Ysgrifennydd Cyffredinol. Lleolir ei phencadlys yn Ashraf, de Irac. Cyfeirir at y mudiad yn aml fel "(Mojahedin-e) Khalq".

Sefydlwyd y PMOI yn 1965 i ymladd yn erbyn llywodraeth y Shah Mohammad Reza Pahlavi, cyfalafiaeth, ac imperialaeth Orllewinol.[1] Rhoddodd y mudiad orau i ymgyrchu arfog yn swyddogol yn 2001[2] ac erbyn heddiw y PMOI yw'r prif fudiad yng Nghyngor Cenedlaethol Gwrthsafiad Iran (National Council of Resistance of Iran: NCRI), mudiad ymbarel neu senedd-mewn-alltudiaeth sy'n honni gweithio am sefydlu llywodraeth ddemocrataidd, seciwlar yn Iran. Mae gan/bu gan y PMOI asgell arfog o'r enw Byddin Rhyddhau Iran (National Liberation Army of Iran NLA). Cyfeiria llywodraeth Iran at y PMOI a'i cyngreiriaid fel Monafeqin (yn llythrennol, "Rhagrithwyr") yn hytrach na "Mojahedin", gan faentumio nad ydynt yn blaid Islamaidd mewn gwirionedd.[3]

Ond yn ôl yr Unol Daleithiau, Canada, Irac, y DU, ac Iran, a'r Undeb Ewropeaidd, mae'r NCRI yn ffrynt yn unig i weithgareddau terfysgol y PMOI[4] ac felly mae'r PMOI yn fudiad terfysgol[5] Rhoddodd y PMOI a'r NCRI wybodaeth am raglen niwclear llywodraeth Iran yn 2002 a 2008 sydd wedi poeni rhai o wledydd y Gorllewin, yn enwedig yr Unol Daleithiau.

Cyfeiriadau

[golygu | golygu cod]
  1. ↑ Keddie, Nikkie, Roots of Revolution, (1981), t.238
  2. ↑ BBC News
  3. ↑ http://www.iranfocus.com/modules/news/article.php?storyid=2655 Archifwyd 2008-02-20 yn y Peiriant Wayback iranfocus.com
  4. ↑ "nci.org". Archifwyd o'r gwreiddiol ar 2010-01-19. Cyrchwyd 2008-04-17.
  5. ↑ "Adran Wladol UDA". Archifwyd o'r gwreiddiol ar 2007-05-05. Cyrchwyd 2007-05-05.

Dolenni allanol

[golygu | golygu cod]
Wedi dod o "https://cy.wikipedia.org/w/index.php?title=Sāzmān-e_mojāhedin-e_khalq-e_irān&oldid=11645920"