Bancio a chyllid Cymru

Mae diwydiannau bancio a chyllid Cymru yn cynnwys y Banc datblygu Cymru.

Banciau cenedlaethol

Mae Banc Datblygu Cymru yn fanc buddsoddi a sefydlwyd gan Lywodraeth Cymru. Mae'n buddsoddi mewn busnesau, yn enwedig busnesau newydd drwy ddarparu cyfalaf twf.

Mae Banc Cambria yn fanc cymunedol Cymraeg arfaethedig sy’n cael ei ddatblygu ar hyn o bryd.

Banciau eraill yng Nghymru

Mae Hodge Bank wed'i enwi ar ôl Syr Julian Hodge. yw Ffurfiwyd y banc ym 1987 fel Banc Julian Hodge, ac mae ei bencadlys yng Nghaerdydd, Cymru.

Cymdeithasau adeiladu

Cangen Cymdeithas y Principality, y Barri.

Mae Cymdeithas Adeiladu Abertawe yn gymdeithas adeiladu gydfuddiannol annibynnol wedi'i lleoli yn Abertawe, Cymru . Mae'n aelod o Gymdeithas y Cymdeithasau Adeiladu.

Cymdeithas Adeiladu'r Principality yw cymdeithas adeiladu mwyaf Cymru, gyda'i bencadlys yng Nghaerdydd. Mae gan y banc asedau o £10bn.

Mae

Cymdeithas Adeiladu Sir Fynwy yn gymdeithas adeiladu Gymreig, sydd â'i phrif swyddfa yng Nghasnewydd. Mae'r Gymdeithas yn darparu amrywiaeth o gynnyrch morgeisi a chynilo. Mae ystod eang o wasanaethau ategol, gan gynnwys yswiriant, cynllunio ariannol, gwasanaethau cyfreithiol a chynlluniau angladd hefyd yn cael eu darparu gan nifer o gwmnïau trydydd parti eraill.

Yswiriant

Cwmni gwasanaethau ariannol Cymreig yw Admiral Group plc sydd â'i bencadlys yng Nghaerdydd, Cymru. Wedi'i restru ar Gyfnewidfa Stoc Llundain, mae'n rhan o Fynegai FTSE 100, ac yn marchnata brandiau yswiriant cerbydau Admiral, Bell, Elephant, Diamond a Veygo, yn ogystal â lansio'r gwasanaethau cymharu prisiau Confused.com a Compare.com. Mae'r grŵp yn cyflogi mwy na 10,000 o bobl ar draws ei frandiau.

Mae Thomas Carroll Group plc yn ddarparwr Cymreig o yswiriant busnes a phersonol, rheolaeth ariannol, iechyd a diogelwch a gwasanaethau ymgynghori cyfraith cyflogaeth.