Tuigang Gregoryano

Ang tuigang Gregoryano mao ang tuigan nga gigamit sa kinabag-ang bahin sa kalibotan. Kini usa ka modipikasyon sa tuigang Hulyano. Kini unang gi-propose sa Neyopolitanong doktor nga si Aloysius Lilius, ug gidekri ni Papa Gregorio XIII (kang kinsa kini ginganlan) pagka-Pebrero 24 1582.

Ang kalendaryong Gregoryano gihimo tungod kay ang mean year sa kalendaryong Hulyan taas ra, hinungdang ang ekwinoks bernal inanayng moatras sa tuig sa kalendaryo.

Parte sa lubnganan ni Papa Gregorio XIII nga nagpakita sa pagpasiugda sa Kalendaryong Gregoryano.

Ang mga tuig sa bag-ong kalendaryo nagagamit gihapon sa sistema sa Kalendaryong Hulyan, nga nagsugod sa tradisyonal nga "incarnation year" ni Hesus, ang gitawag nga erang "Anno Domini" (AD), nga usahay tawgon usab ug Kumong Era (Common Era), o CE.

Ang Kalendaryong Gregoryano misulbad sa problemang pangkalendaryo pinaagi sa pagtangtang ug 10 ka adlaw aron magkadungan ang kalendaryo sa mga seasons. Gimugna usab ang mosunod nga mga lagda bahin sa mga leap yaer:

Ang tanang tuig nga divisible (mabahin nga walay sobra o remainder) sa 4 maoy leap year, gawas niadtong mga tuig nga divisible usab ug 100. Apan ang mga centurial years nga divisible ug 400 leap years gihapon. Pananglitan, ang tuig 1900 kay dili usa ka leap year tungod kay divisible man kini ug 100 apan dili sa 400. Apan ang tuig 2000 usa ka leap year kay divisible man kini ug 400.

Sa kaniadtong Kalendaryong Hulyan, tanang tuig nga divisible ug 4 pulos leap year.

Mga reperensiya

• Gregorian reform of the calendar: Proceedings of the Vatican conference to commemorate its 400th anniversary, 1582-1992, ed. G. V. Coyne, M. A. Hoskin, and O. Pedersen (Vatican City: Pontifical Academy of Sciences, Specolo Vaticano, 1983).

Tan-awa usab

• Talaan sa mga kalendaryo

Mga sumpay sa gawas

• Inter Gravissimas, Gregory XIII's bull introducing the new calendar (Latin and French) Archived 2000-08-23 at the Wayback Machine
• Inter Gravissimas (Latin and French plus English)
• British Calendar Act 1751 Archived 2008-09-14 at the Wayback Machine
• Frequently Asked Questions about Calendars
• The Perpetual Calendar Gregorian Calendar adoption dates for many countries.
• Synoptical Julian - Gregorian calendar Compare Old and New Style dates 1582 - 2100.