Ларма

Автоматаца болхбен кегийрачу сурсатийн ларма.

Ларма — мехала гӀирсаш Ӏалашбан а, уьш латтабан а кечйина меттиг, гӀишло (йа церан комплекс).

Логистикехь лармо кхочушйо материалан гӀирсаш гулбаран, оьшуш долу а, дохьуш долу а сурсатийн барам цхьаьнаэшшара латтабаран функцеш, ткъа иштта деш волчунгара оьцуш волчун тӀеоьхучу сурсатийн сихаллин йа технологин арахецаран системашкара гӀирсаш тӀеэхаран синхронизаци йар.

Лармийн тайпанаш

Автоматикан ларма.

Шен Ӏалашонца къастайо хӀара кепара ларманаш:

• арахецаран — аьргаллин ларма, вовшехтасаран гӀирсийн ларма, заводан а, цехан а кийчачу сурсатийн ларманаш;
• транзитан-дехьайаккхаран — цӀерпоштнекъан станцешкахь, порташкахь, охьадоьдучу хин кема сацарехь, аэропорташкахь, автокиран терминалашкахь ларманийн Ӏалашо йу йоцачу хенахь кира цхьаьна транспорт тӀиера кхечунна тӀебуттуш Ӏалашбар (хьажа пакгауз);
• таможнин — сурсаташ таможнино цӀандаре хьоьжучу хенахь (пакгауз) йоцучу хенахь Ӏалашдаран ларманаш;
• хьалххе чударан — сурсаташ шеран билгалчу хенашкахь бен чу ца далон кӀошташкара ларманаш;
• шеран заман Ӏалашдаран — шеран замане хьаьжжина долу сурсатийн ларма;
• резерван — чолхе хьал хилахь а аьлла сурсаташ Ӏалашдаран ларма;
• оптан дӀасадекъаран — йохк-эцаран машанашна сурсаташ латторан ларманаш;
• коммерцин йукъара лелайаран — муьлххачуьнан а мехах сурсаташ Ӏалашдаран ларманаш;
• розницан — туьканийн ларманаш;
• тӀеман — тӀеман ницкъашна оьшуш долу тайп-тайпана герзийн ларма (хьажа цейхгауз).

Ӏалашдаран хьолашца къастало ларманаш йукъарчу Ӏалашонна, резервуараш, сейфаш кхерамечу хӀуманашна, лерина ларманаш (хасстоьмашӀалашдаран, стоьмашӀалашдаран, машенаца шелъен ша-ларма, дааран сурсаташ Ӏалашден ша-чоь, кхин а). Ларманашкахь до сурсатийн физикин-химин хьоле хьаьжжина Ӏалашдаран оьшу хьал. Цхьаццанхьа ларманашкахь хуьлу сурсаташ кепа тухуш, гӀутакхашна а, йаьшканашна а чудухкуш, тесташ еш, кхин белхаш беш а ницкъаш. Knight Frank а, Swiss Realty Group а компанеш кхоьллина ларманийн шайн классификаци (A,B,C,D).

Топонимикехь

Сулейманов Ахьмадс Нохчийчохь билгалйина Ларма цӀе йолуш массийта топоним: Ларма — «Жаьн-Чу» кӀотаран центрехь бу шаьш бина бокха Ӏам. Кхузара диалектехь «Ларма» дешан тоьла, лаьттан бухе маьӀна ду. БӀовнан уггаре лахара чоьнах олуш хила ларма — цигах латтош хила йийсархой — цунах кхин олуш хила ор. Дишни-Веданахь йу меттиг ТӀеман ларма цӀе йолуш — кхузахь латтош хила тӀаьхьалон молха, йаккхий тоьпийн ядерш, даша кхин а. Хьал-Келахь йу Лармиечу цӀе йолуш меттиг «КӀаг чу» — боьра Ларма — кӀаг, цигахь латтош хила йийсархой.

Истори

Лармаш кхоллайаларан истори шира йу цивилизацин истори санна. латталелор, а хийцарш а, сурсаташ дохкар а кхиича кхолладелла хаттар: мичахь Ӏалашйан йеза совйаьлларш? Мисарера иероглифаш а, пенийн тӀера суьрташ а, хила мега уггаре а шира цивилизацехь йалтаӀалашден меттигаш а лармаш а муха лелош хила гойтуш.

Инкийн импери

Коьрта йаззам: Инкийн экономика

Галерей

• 
  Ангары 19 века в Глосестере в Соединенном Королевстве в порту использовались для импортирования кукурузы
• 
  А Суст, Средневековье виды склада, в Хорген, Швейцария
• 
  Исторический Атлантический док-склад в Бруклине в 1800-х годах
• 
  Семнадцатого века со складов в Амстердаме, Нидерланды
• 
  Разрушенные склады в Остии; древний Римский город
• 
  Проходы с поддонами на стеллажах

Литература

• Куприенко C. А., Ракуц Н. В. Система государственного накопления и распределения продукции в империи инков (ru) // Ойкумена. Регионоведческие исследования : журнал. — 2013. — Вып. 2. — С. 87-94. — ISSN 1998-6785.
• Сулейманов А. С. Топонимия Чечни : топоним. слов. — Нальчик : «Эль-Фа», 1997. — 685 с. — 1000 экз. — ISBN 5-88195-263-4.
• Сулейманов А. С. II часть: Горная Ингушетия (юго-западная часть), Горная Чечня (центральная и юго-восточная части) // Топонимия Чечено-Ингушетии: в IV частях (1976-1985 гг.) / Ред. А. Х. Шайхиев. — Грозный : Чечено-Ингушское книжное изд-во, 1978. — 289 с. — 5000 экз.
• Д.Б. Байсултанов. СЛОВАРЬ СЛОВ ЧЕЧЕНСКОГО ЯЗЫКА, НЕ ВОШЕДШИХ В «ЧЕЧЕНСКО-РУССКИЙ СЛОВАРЬ» А.МАЦИЕВА (1961 г.) (около 3 тыс. слов).. — Бельгия, 2015. — 29-213 с.
• Юлия Полюшко. Словарь терминов гостиничной индустрии. — 2017. — 220 с. — ISBN 9785448589355.