Mont d’an endalc’had

Stalingrad (film, 2001)

Eus Wikipedia
Evit implijoù all, gwelet Stalingrad (disheñvelout).

Enemy at the Gates (Stalingrad e Bro-C'hall) zo ur film sevenet gant Jean-Jacques Annaud ha deuet eo-maez e 2001 er salioù-sinema[1].

Synospis

[kemmañ | kemmañ ar vammenn]
Feuntenn ar blasenn luc'hskeudennet e 1943. Eno e kej er film Zaïtzev ha Danilov.

Diazezet eo ar film war oberoù Vassili Grigorievitch Zaïtsev, ur soudard soviedel taolet e Emgann Stalingrad da vare an Eil Brezel-bed. Goude un dagadenn e-lec'h ma vez lazhet ar soudarded all tro-dezhañ e kej gant Danilov, ur c'homiser politikel. An daou anezhe a zo kelc'hiet gant soudarded alaman, met savetaet int gant barregezhioù Zaïtzev war an tennañ.

Dont a ra Zaïtzev da vezañ ur sniper doujet gant ar Soviediz koulz hag an Alamaned. Lakaet e vez war-wel gant ar propaganda. Sikouret e vez gant Koulikov, un tenner koshoc'h gantañ skiant-prenet. A-benn lazhañ anezhañ e kas an Alamaned ar major Erwin König, bet e penn ur skol sniperien en Alamagn. Un duvell a sav etre an daou denner evit lazhañ egile. En istor e kresk un istor karantez etre Zaïtzev ha Tania Tchernova, ur soudardez all.

Gwirvoud istorel

[kemmañ | kemmañ ar vammenn]

Tudennoù

[kemmañ | kemmañ ar vammenn]

Vassili Grigorievitch Zaïtsev a zo bet anezhañ evit gwir, ha kemeret en deus perzh e Emgann Stalingrad. Hervez en dije lazhet 225 ofisour ha soudard alaman eno, 11 tenner-resisted en o zouez, a-raok bezañ gloazet o vale war ur min e miz Genver 1943[2]. Peurrest an istor a zo faltaziek. Douetañs a zo war gwirvoud ar Major König, a c'hallje bezañ bet ijinet gant propaganda an URSS evit degas muioc'h a vrud c'hoazh da Zaïtzev[3].

Armoù

[kemmañ | kemmañ ar vammenn]
Vassili Zaïtzev e Stalingrad (a-gleiz) e miz Kerzu 1942. Gantañ ez eus ur Mosin-Nagant 91/30 PEM, warni ul lunedenn 3,87 × 30.

Abalamour d'ar film bezañ savet tro-dro da istor sniperien e vez lakaet war-wel ennañ fuzuilhoù-resisted implijet da vare ar brezel : ar Mosin-Nagant 91/30 kemmet eus tu ar Soviediz, hag ar c'harabinennoù Mauser Karabiner 98k dibabet ha savet lunedennoù warne eus tu an Alamanted. Fazioù istorel a gaver er film memestra : ar Mosin-Nagant 91/30 PU a weler etre daouarn Vassili Zaïtsev a grogas he froduiñ adalek miz Kerzu 1942, ha douetañs a zo e vije en em gavet war an talbenn etre daouarn an tenner soviedat a-raok ma vije gloazet e miz Genver 1943. Skeudennoù ar mare a daolenn anezhañ gant ar stumm 91/30 PEM eus ar fuzuilh, bet produet adalek 1936. Ur fazi all a zo da vare ar flashback a ziskouez Vassili Zaïtsev o chaseal gant e dad-kozh pa oa pemp bloaz : implijout a reont ur Mosin-Nagant 91/30 PU kuzhet e reilh gant koad evit ezhommoù ar film, pa ne oa ket produet ar stumm-mañ er bloavezhioù 1920 c'hoazh[4].

Ar major faltaziek Erwin König a ra gant ur stumm Karabiner 98k produet adalek eil hanterenn 1943, da lavaret eo pell goude dibenn an emgannoù e Stalingrad. Kroazlin e lunedenn a zo disheñvel diouzh hini an dennerien soviedel, pa oa heñvel e gwirionez. Kement-mañ a c'hall bezañ bet graet evit sikour Yann arvester da gompren buanoc'h piv a vez o vukañ er film[4].

Fichenn deknik

[kemmañ | kemmañ ar vammenn]

Aktourien nesañ

[kemmañ | kemmañ ar vammenn]

Pennadoù kar

[kemmañ | kemmañ ar vammenn]

Daveennoù

[kemmañ | kemmañ ar vammenn]
  1. ↑ (fr) Fichenn IMDb ar film (lennet d'ar 27/11/2024)
  2. ↑ (fr) GROSSMAN Vassili, Carnets de guerre 1941-1945, Calman-Lévy, 2023, 396 p.
  3. ↑ (en) MENDES Claudia, The truth about Erwan König sent to Stalingrad to take on the very effective soviet snipers, War History Online, 09/02/2019 (lennet d'ar 27/11/2024)
  4. ↑ 4,0 ha4,1 Hervez Ian Mc Collum, den arbennikaet war an armoù-tan istorel, war e chadenn Forgotten Weapons, Everything Wrong with the Sniper Rifles in "Enemy at the Gates”, 07/02/2024 (gwelet d'ar 27/11/2024)
Adtapet diwar « https://br.wikipedia.org/w/index.php?title=Stalingrad_(film,_2001)&oldid=2120610 »