Hunvre Rhonabwy

Owain, o sevel e vanniel, hag e vrini
o vont d'en em gannañ ouzh marc'heien
ar Roue Arzhur, skeudenn embannet e Mabinogion Charlotte Guest (1877).

Hunvre Rhonabwy, pe Breuddwyd Rhonabwy e kembraeg (Breudwyt Ronabwy e krenngembraeg), zo un danevell gembraek krennamzerel, e komz-plaen, stag ouzh mojenn Arzhur hag unan eus skourroù ar Mabinogi. C'hoarvezout a ra e rouantelezh Powys kozh, en amzer Madog ap Maredudd (marvet e 1160). N'ouzer ket piv e oa an oberour, met seblantout a ra anavezout Powys, ma kreder e oa genidik ac'hano.

Istor

Savet eo bet war-dro dibenn an XII^vet kantved. Kavet eo bet en dornskrid anvet Levr Ruz Hergest. Embannet eo bet en XIX^vet kantved gant Charlotte Guest.