Корм

Цюк сена

Кармы — прадукты расліннага і жывёльнага паходжання, а таксама мінеральныя рэчывы, якія выкарыстоўваюць для кармлення свойскіх і сельскагаспадарчых жывёл. Таксама яны складаюць кармавую базу для дзікіх жывёл.

Агульнасусветнае спажыванне кармоў складае 635 мільёнаў тон (на 2006 год), штогадовыя тэмпы росту складаюць каля 2 %.

Віды кармоў

• Зялёныя кармы.
• Грубыя кармы.
• Сакаўныя кармы.
• Зерневыя кармы.
• Прадукты з кармавых адыходаў.
• Жывёльныя кармы.
• Прадукты з мінеральных кармоў.

Вытворчасць кармоў

Перавозка копы сена ў Танзаніі

Большасць кармоў для сельскагаспадарчых жывёл выпрацоўваюць з раслін, але некаторую частку вырабляюць з прадуктаў жывёльнага паходжання. У большасці сваёй гэта сена, сілас, салома, кармавыя караняплоды і бульба.

Кармы могуць як спецыялізавана вырошчвацца (травасеянне), так і збірацца (выкошвацца на прыродных лугах). Нарыхтоўка кармоў — важны від работ у сельскай гаспадарцы. Чалавек пачаў займацца гэтым з моманту прыручэння хатніх жывёл: толькі ў вельмі рэдкіх выпадках жывёлы маглі паклапаціцца пра харчаванне сабе самі, альбо маглі здавольвацца рэшткамі са стала чалавека (кошка, сабака).

Часам у кармавых мэтах могуць выкарыстоўвацца адыходы сельскай гаспадаркі: макуха, салома, касцёвая, пёравая і рыбная мука. Выкарыстоўваюцца таксама розныя адходы прамысловай вытворчасці — мязга, барда, жом.

Пералік раслін, якія выкарыстоўваюцца ў кармавых мэтах, досыць шырокі і дасягае некалькіх дзясяткаў; ён моцна залежыць ад геаграфіі месца вырошчвання і віду жывёл, якім прызначаны ў ежу.

Атрутныя кармы

Самае вядомае рэчыва, якое выкарыстоўваецца ў кармах для жывёл, якое дрэнна ўплывае на здароўе чалавека — рактапамін. Мае складаную структурную форму. Ужываецца для павелічэння масы выраблянага мяса — адкорму жывёл для продажу. У цяперашні час яго выкарыстанне з'яўляецца прадметам вострых міжнародных палітычных дыскусій.

Гл. таксама

• Фураж

Літаратура

• Рабцэвіч Г. Кармы // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.

Спасылкі

• Fodder Plants Архівавана 26 студзеня 2018.(англ.)