Дуніт

Дуні́т — інтрузійная ультраасноўная горная парода. Назва паходзіць ад галы Дун (англ.: Dun) у Новай Зеландыі.

Амаль цалкам (больш чым на 85 %) складаецца з алівіну. Мае ў складзе невялікую колькасць акцэсарнага хромшпінеліду. Колер светла-зялёны, цёмна-зялёны да чорнага. Шчыльнасць — 3280 кг/м³. Звычайна ўтварае паралельныя лінзы, сякучыя трубкі, сілы. З дунітам звычайна звязаныя радовішчы хромавых руд і плаціноідаў.

Выкарыстанне

Дуніт выкарыстоўваецца ў вытворчасці вогнетрывалых матэрыялаў. Дунітавыя пяскі — у ліцейнай вытворчасці.

Літаратура

• Дуніт // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 261.

Спасылкі

• Дунит. Перидотит. Пироксенит Архівавана 4 лютага 2019. (руск.) // Брэсцкі дзяржаўны ўніверсітэт імя А. С. Пушкіна
• Дунит // Геологический словарь: в 2-х томах. / Под редакцией К. Н. Паффенгольца и др. — М.: Недра, 1978. (руск.)
• Дунит. Перидотит. Пироксенит // Экологический центр "Экосистема"™ (руск.)
• Дунит // Большая Энциклопедия Нефти и Газа (руск.)