Кунэо

Кунэо
Краіна:	Італія
Плошча:	119,67 км² (9 кастрычніка 2011)
Вышыня:	534 м н. у. м.
Насельніцтва:	▼55 744 чал. (1 студзеня 2023)
Тэлефонны код:	0171
Паштовы індэкс:	12100
Нумарны знак:	CN
Геаграфічныя каардынаты:	44°23′0″ пн. ш. 7°33′0″ у. д.
Кунэо на мапе Італіі Кунэо
Галерэя здымкаў у Вікісховішчы
http://www.comune.cuneo.it/

Кунэо (па-італьянску: Cuneo) — горад у Італіі, які месьціцца ў рэгіёне П’емонт, адміністрацыйны цэнтар аднайменнай правінцыі.

Гісторыя

Кунэо на выяве XIX стагодзьдзя.

Гістарычныя зьвесткі пра горад зьяўляюцца толькі ў 1198 годзе, калі места было абвешчанае незалежнай камунай, вызваліўшыся ад улады біскупаў Асьці і маркізаў Манфэрату і Салюцца. У 1210 годзе горад быў акупаваны, але ў 1231 годзе грамадзяне паўсталі супраць захопнікаў. У выніку ў 1238 годзе места былі прызнанае свабоднай камунай самім імпэратарам Фрыдрыхам II.

Аднак ужо ў 1259 годзе незалежнасьць Кунэо зьнікла. У гэтым горадзе ўладу над горадам усталяваў Карлу I Анжуйскаму, які на той час быў графам Правансу. Разам з Альбай гэта было галоўнае анжуйскае ўладаньне ў Паўночнай Італіі. Кіраваньне роду Анжу часам перапынялася, тады над горадам панавалі Салюцца, Савоя і род Вісконці зь Міляну. У 1382 годзе Кунэо было набытае Савойскім герцагствам.

Места некалькі разоў было абложанае Францыяй. Першым разам у 1515 годзе швайцарскімі войскамі караля Францыска I. Наступныя разы былі ў 1542, 1557, 1639, 1641, 1691 гадах, а таксама падчас Вайны за аўстрыйскую спадчыну ў 1741 годзе. Кожным разам Кунэо пасьпяхова адбіваў напады. Горад быў захоплены Францыяй толькі падчас напалеонаўскіх войнаў і стаў сталіцай дэпартамэнту Сьцюра. Пасьля аднаўленьня каралеўства Сардыніі і аб’яднаньня Італіі Кунэо стаў сталіцай аднайменнай правінцыі ў 1859 годзе.

Вонкавыя спасылкі

• Афіцыйны сайт. (італ.)