Jump to content

Gore Vidal

Gikan sa Bikol Sentral na Wikipedia, an talingkas na ensiklopedya
An printable na bersyon dai na suportado asin pwedeng igwa na nin mga error. I-update an saimong mga browser bookmarks asin gamiton an default browser print function.
Si Gore Vidal

Si Eugene Luther Gore Vidal (Oktobre 3, 1925 – Hulyo 31, 2012) sarong Amerikanong autor, dramatista, parasurat saysay asin istoryang pampelikula saka aktibista sa pulitika. Mahigos na gayong parasurat, siya nakahaman nin 25 nobela, lampas 200 na saysay asin magkapirang drama.[1]

An saiyang ikatolong nobela, an The City and the Pillar (1948) nag'ani nin grabeng tuyaw sa publiko huli ta iyo ini an saro sa mayor na nobelang Amerikano na naghayag asin nagbiklad kan istorya nin pagkabakla, bagay na dai pa desenteng gibohon kan mga panahon na idto. Siya man nagdalagan duwang beses sa eleksyon asin saro man siyang kritiko sa pulitika.

Mga enot na panahon

Si Vidal namundag Eugene Luther Gore Vidal sa West Point, Nuweba York, iyo'iyong aki ni Tenyente Eugene Luther Vidal (1895-1969) asin Nina Gore (1903-1978).[2][3] [4] Namundag siya sa Cadet Hospital kan United States Military Academy, kun saen an saiyang ama sarong maestro sa auronautiko. Susog sa artikulong "West Point and the Third Loyalty", na saiyang sinurat para sa The New York Review of Books (Oktobre 18, 1973)[3] siya nagdesider na maapod Gore sa pagtaong onra niya sa saiyang lolong maternal, si Thomas Gore, na sarong senador Demokratiko para sa Oklahoma.

Karera sa pagsurat

Si Vidal, na sinabi kan saro na kritiko sa Newsweek na iyo an "the best all-around American man of letters since Edmund Wilson," nagpoon kan saiyang pagsurat sa edad desinwebe (19) kan taon 1946 kan napalagda an sarong nobelang panmilitar tituladong Williwaw na an istorya saiyang ibinatay sa eksperensya niya sa toka niya duman sa Alaskan Harbor Detachment. Ining istorya kaini manongod sa ika-2 Gerang Pankinaban asin nagputok na gayo sa mga parabasa. Pakalihis duwang taon kani, taon 1948, ipinalagda niya an The City and the Pillar na nag'ukag nin labilabing kontrobersya huli sa hayaghayag na pagbiklad niya kan mga gawegawe kan mga bakla. An nobelang ini saiyang idinolot ki "J.T.". Pirang dekada pa, kan an sarong magasin nagbuyagyag kan mga huringhuding kun siisay baga an J.T., si Vidal pigtuga' na ini an poon-kangaranan kan saiyang kailusyon soboot na si James "Jimmy" Trimble III, na nagadan sa Batalya sa Iwo Jima kan Marso 1, 1946. Si Vidal inako niya na si Trimble sana man an tunay na personang saiyang namo'tan.

Bibliograpiya

Mga saysay asin prosa

Mga pasali

Mga nobela

Mga pampelikulang istorya

Mga tokdang natago sa ibang pangaran

  • A Star's Progress (aka Cry Shame!) (1950) as Katherine Everard
  • Thieves Fall Out (1953) as Cameron Kay
  • Death Before Bedtime (1953) as Edgar Box
  • Death in the Fifth Position (1952) as Edgar Box
  • Death Likes It Hot (1954) as Edgar Box

Mga pagpaheling sa media

Shadow Conspiracy - Pigpapel niya bilang Kongresista Paige, Political Thriller (1997)

Kagadanan

Si Vidal nagadan sa saiyang harong Hollywood Hills, California, mga 6:45 p.m. PDT Hulyo 31, 2012 huli sa komplikasyon sa pneumonia[13] sa edad na 86.

Toltolan

  1. ↑ http://www.bbc.co.uk/news/world-us-canada-19074230
  2. ↑ Vidal, Gore, "West Point and the Third Loyalty", The New York Review of Books, Volume 20, Number 16, October 18, 1973
  3. ↑ 3.0 3.1 Vidal, Gore, "West Point and the Third Loyalty", The New York Review of Books, Volume 20, Number 16, October 18, 1973.
  4. ↑ Gore Vidal, Point to Point Navigation (New York: Doubleday, 2006), p. 245.
  5. ↑ Bryant, Christopher (August 15, 2009). "The Celluloid Closet". Polari Magazine. http://www.polarimagazine.com/?p=849. Retrieved on November 7, 2011. 
  6. ↑ "Jon Wiener (biography)". The Nation. 2012-05-21. http://www.thenation.com/authors/jon-wiener. Retrieved on 2012-05-21. 
  7. ↑ "Legendary Author Gore Vidal on the Bush Presidency, History and the "United States of Amnesia"". Democracy Now!. May 14, 2008. Retrieved November 7, 2011. 
  8. ↑ "'The US is not a republic anymore'". Insight-info.com. Archived from the original on October 3, 2011. Retrieved November 7, 2011. 
  9. ↑ "Zero: an investigation into 9/11". Zero 9/11 Movie. Archived from the original on May 5, 2014. Retrieved November 7, 2011. 
  10. ↑ {This video is private.}uk.youtube.com Archived 2008-11-08 at the Wayback Machine.
  11. ↑ Haskell, Arlo (July 3, 2009). "Audio Archives: Gore Vidal | Writer Against the Grain". Key West Literary Seminar. Retrieved 2011-11-07. 
  12. ↑ "Gore Vidal's America". The Real News. December 24, 2010. Archived from the original on August 16, 2011. Retrieved November 7, 2011. 
  13. ↑ "Gore Vidal, celebrated author, playwright, dies" by Tina Fineberg, USA Today, August 1, 2012
Kinua sa "https://bcl.wikipedia.org/w/index.php?title=Gore_Vidal&oldid=261925"