Hekate

Hekate, neoklassische Zeichnung noch an Original aus da hellenistischn oda remischen Antike

Hekate, de dreifoitige Geddin (William Blake, 1795)

Hekate (griachisch Ἑκάτη) is in da griachischen Mythologie de Geddin vo da Zaubarei, vom Spuk, vo da Doudnbeschwerung, vo de Wegkreizunga, de Schwejn und Ibageng, vo da Vawandlung und de Wochtarin vom Zuagang zua Untawejd. Se is de Vamittlarin zwischn de Wejdn und wead oft dreifoite dorgstejt (vgl. Wegkreizunga).

De Hekate wor uaspringle z Kloaasien dahoam und wor do a oide vorpatriachale Ead- und Sunnageddin, a Magna Mater. Im 7. oda 8. Jh. v. Kr. is se in de griachische Religion afgnomma wor und hod do a geringare Roin gspuit. Se is do meara gfiacht ois vaeat worn und wor vor oim de Geddin vo de Hexn und Zaubara.

Kristndum und Neiheidndum

Im middloitalichn Kristndum is de Hekate demonisiat worn und zan Inbegriff vo da dunklan Magie worn. Im Neiheidndum (Neopaganismus) wead ia Kult heit wiedabelebt und se wead ois Geddin vo da Weisheit und Vawandlung vor oim vo neien Hexn vaeat.

Literatua

• Thomas Lautwein: Hekate, die dunkle Göttin. Geschichte und Gegenwart. Edition Roter Drache, Rudolstadt 2009, ISBN 978-3-939459-21-7
• Robert von Rudloff: Hekate in Ancient Greek Religion. Horned Owl Publishing, Victoria (BC) 1999, ISBN 978-0-9696066-8-0

Im Netz

 Commons: Hekate – Sammlung vo Buidl, Videos und Audiodateien

• Hekate im Theoi Project (englisch)
• Beispui fia an neiheidnischn Hekate-Kult