Taman Nasional Gandang Déwata
| Taman Nasional Gandang Déwata | |
|---|---|
| taman·nasyonal·gandaŋdewata | |
IUCN Kategori II (Taman Nasional) | |
 Pametaan ring TN Gandang Déwata | |
  TN Gandang Déwata Genah ring Sulawesi | |
| Genah | Kabupatén Mamasa, Sulawesi Kawan, Indonésia |
| Nampek kota | Mamasa |
| Koordinat | 2°56′58″S 119°27′03″E / 2.949487°S 119.450912°E-2.960459, |
| Jimbar | 79,342 héktare (793.42 km2) |
| Kaadegang | 2016 |
| Sané Ngalola | Kamenterian Palemahan Urip miwah Kawanaan |
Taman Nasional Gandang Déwata silih tunggil taman nasiona sané magenah ring Kabupatén Mamasa, Sulawesi Kawan, Indonésia. Gunung Gandang Déwata (3304 meters)[1] pinaka satunggil gunung pinih tegeh ring kepahan kawan Sulawesi (pagunungan Quarlésii) miwah gunung tegeh kaping kalih ring Sulawesi sesampun Gunung Latimojong (3140 méter) sané magenah ring Kabupatén Énrékang. Gunung Gandang Dewata magenah ring Kecamatan Mamasa sané mawatesan sareng Kabupatén Mamuju, madué tegeh 3.074 méter saking duur pamukaan segara. Pagunungan madué jimbar 214.201 héktar, gunung punika kanikayang tenget olih krama irika.
Panelitian LIPI warsa 2013 nganikayanh pinaka Gandang Dewata genah palemahan soroh paksi éndemik, miwah katemuin makudang spéiés anyar sané patut kapartahanang.[2] Ring upaya nyaibin wawengkon antuk tingkat kaakéhan soroh, kasujatian miwah kaunikan punika Kamenterian Palemahan Urip miwah Kawanaan ngawedar kaputusan (nomor 773 / MENLHK / SETJEN / PLA.2 / 10/2016 tanggal 3 Oktober 2016) 189.208,17 héktar gunung manados taman nasional Indonésia ka-53 warsa 2016.[3]
Gandang Déwata maasal kalih saking kruna, Aran Gandang suksman ipun kendang miwah Déwata artos ipun para déwa. Puncak Gandang Déwata, Tanété kacingak sekadi watu ageng marupa bunter sekadi kendang ageng saking doh. Ring rahina katentu, krama ring metén gunung ketah mirengang sWara gemuruh sané kaparcaya saking swara kendang ageng. Kapercayaan punika kantun kapartahanang nganti mangkin, asapunika makéhan krama irika nganggép gunung puniki tenget. Krana punika, sawilang paseneng palemahan sané jagi munggahin gunung kanikayang mangda ngajaga parilaksana miwah pabaosan ipun ri kala pamunggahan mangda nénten keni marabaya.
- ↑ "Lemas dan Kedinginan, 5 Pendaki Asal Bandung Dievakuasi dari Gunung Gandang Dewata". Kompas. Kaaksés 29 November 2017.
- ↑ "LIPI akan Eksplorasi Kekayaan Hayati Gunung Gandang Dewata". Detik. Kaaksés 29 November 2017.
- ↑ "Gunung Gandang Dewata Ditetapkan Jadi Taman Nasional". Kaaksés 28 November 2017.
- Taman Nasional Gandang Dewata Archived 2019-09-09 at the Wayback Machine
