Peté
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Peté inggih punika silih tunggil pepayonan kacang-kacangan sané prasida tumbuh kantos limolas méter. Giing peté marupa taru, mawentuk bunder, macarang, miwah mawarni coklat masawang barak. Daun peté kawéntenannyané marumpyuk, bongkolnyané marupa bunder, muncuknyané tajep, dawannyané kirang-langkung patpat kantos kalih dasa miliméter, lumbangnyané kalih kantos tigang miliméter, turmaning mawarni gadang. Sekar punyan peté kawéntenannyané ngrumpyuk, lepihan sekarnyané matunggilan, benang sarinnyané akéhnyané dasa, bongkol lepihan sekarnyané neket ring wadah benang sari, muncuknyané madué kahanan bancih utawi luh muani, wentuknyané gada, mawarni kuning, turmaning bongkol lepihan sekarnyané mawarni putih masawang kuning. Buah peté mawentuk polong, magantung, miwah mawarni gadang. Wiji peté kawéntenannyané tebel, pépég, miwah mawarni gadang. Peté madué akah tunggang miwah mawarni coklat. Pamekasnyané, peté madué kawigunan nedunang ténsi, ngicalang stroke, miwah ngicalang méncrét.[1][2]
- ↑ Departemen Kesehatan Républik Indonésia. Inventaris Tanaman Obat Indonésia Jilid I. Jakarta, 2000..
- ↑ ""silentnature.net", Petai (Parkia speciosa Hask.) Si Bau yang Bermanfaat". Kaarsipin saking versi asli tanggal 2019-05-26. Kaaksés 2019-05-26.