Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 205.200 məqalə mövcuddur.

Həftənin seçilmiş məqaləsi

ABŞ — 50 ştatdan, bir federal dairədən, beş böyük özünüidarə edən ərazidən və müxtəlif mülklərdən ibarət ölkə. 9,8 milyon km² əraziyə malik ABŞ dünyanın ərazisinə görə 3-cü və ya 4-cü ölkəsidir və Avropa qitəsindən təxminən 10,1 milyon km² kiçikdir. 327 milyon nəfərdən çox əhalisi olan ABŞ dünyanın ən çox əhaliyə malik üçüncü ölkəsidir. Paytaxtı Vaşinqton, ən çox əhaliyə malik şəhəri Nyu-Yorkdur. Qırx səkkiz ştat və federal ərazi kontinentaldır və Şimali Amerikada Kanada və Meksika arasında yerləşir. Paleohindilər ən azı 12 min il əvvəl Sibirdən Şimali Amerika materikinə köçmüşdürlər. Avropalıların kolonizasiyası XVI əsrdə başlamışdır. ABŞ şərq sahili boyunca qurulan On üç ingilis koloniyasından yaranıb. Fransız-hindu müharibəsindən sonra Böyük Britaniya ilə koloniyalar arasında çoxsaylı mübahisələr 1775-ci ildə başlamış Amerika inqilabına və ardından 1776-cı ildə ABŞ istiqlal bəyannaməsi ilə nəticələndi.

(Davamı...)

Həftənin yaxşı məqaləsi

Cəfər Kavian — Cənubi azərbaycanlı fədai, siyasətçi, və general-mayor. O, Təbrizdə qurulmuş Azərbaycan Milli Hökumətinin Xalq qoşunları naziri və Azərbaycan Milli Hökumətinin Milli Məclisinin üzvü olub. O, həmçinin İran Kommunist Partiyasının, Tudə Partiyasının Mərkəzi Komitəsinin və Azərbaycan Demokrat Firqəsinin təşkilat komitəsinin üzvü olub. Məşrutə, Xiyabani, Lahuti və 21 Azər hərəkatlarında iştirak edib və fədai dəstələrinə başçılıq edib. Azərbaycan Milli Hökumətinin qurulmasında göstərdiyi fəaliyyətlərə görə "21 Azər" medalı və "Səttarxan" ordeni ilə təltif olunmuşdur.

(Davamı...)

Həftənin seçilmiş siyahısı

ABŞ-nin birinci xanımlarının siyahısı — ABŞ-nin birinci xanımı Ağ Evin sahibəsi hesab olunur. Vəzifəni ənənəvi olaraq ABŞ Prezidentinin həyat yoldaşı tutur, lakin müxtəlif vaxtlarda bu titulu subay olan, dul olan, və ya həyat yoldaşı olmayan, yaxud da həyat yoldaşı bu vəzifəni yerinə yetirə bilmədiyi hallarda prezidentin həyat yoldaşı olmayan qadınlar da daşımışdır. Bu vəzifə seçilmiş bir vəzifə deyil, heç bir rəsmiyyət daşımır və buna görə maaş verilmir. Bununla yanaşı, o, prezidentlə birlikdə, yaxud onu təmsil edərək bir çox rəsmi mərasimlərə qatıla və dövlət işləri ilə maraqlana bilər. Ənənəvi olaraq, birinci xanım vəzifədə olduğu vaxt ərzində kənar işlərdə işləmir, baxmayaraq ki, Eleonora Ruzvelt yazı yazaraq və mühazirə oxuyaraq pul qazanıb və bu pulun çoxunu xeyriyyə işlərinə sərf edib, həmçinin Cill Bayden də bu müddət ərzində pedaqoq kimi işinə davam edib.

(Davamı...)

Günün seçilmiş şəkli

Xəbərlər

Azərbaycan Premyer Liqasında 2024/2025 mövsümü başa çatıb.
Bakıda minifutbol üzrə dünya çempionatı start götürüb.
Avstriya təmsilçisi Yohannes Piç (şəkildə) "Wasted Love" mahnısı ilə 2025 Avroviziya Mahnı Müsabiqəsinin qalibi olub.
Terror təşkilatı kimi tanınan Kürdüstan Fəhlə Partiyası (PKK) fəaliyyətini dayandırmaq barədə qərar qəbul edib.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Sebastyan Salqadu, Cavanşir Qurbanov, Xose Muxika, Nina Qrebeşkova, Valeri Şevçuk, Sırrı Sürəyya Öndər

Bilirsinizmi?

İngiltərə kralı III Henri 1253-cü ildə ağ ayısının (heykəli şəkildə) Temza çayında üzməsinə və balıq ovlamasına icazə verilməsi üçün əmr vermişdir.
Halina Hatçinsin "Rast" filminin çəkilişlərində rekvizit silahla atəş açılması nəticəsində səhvən öldürülməsi film çəkilişlərində silah təhlükəsizliyi protokollarının qəbul edilməsinə səbəb olmuşdur.
İkinci Dünya müharibəsindən əvvəl kommunistlərin həbs olunduğu Doftana həbsxanası "Rumıniyanın Bastiliyası" kimi tanınır.
Napoleonun ölümündən sonra kəsilən penisi "dəri parçası və ya büzüşmüş ilanbalığı" ilə müqayisə olunmuşdur.
Ukraynanın Odessa şəhəridə yerləşən Tyoşin körpüsündə hər ilin 16 fevralında Qayınanalar Günü qeyd olunur.

Tarixdə bu gün

526 — Antioxiyada baş vermiş zəlzələ nəticəsində 250 min insan həyatını itirdi.

1223 — Kalka döyüşündə monqol ordusu rus və kumanların birləşmiş ordusunu məğlub etdi.

1910 — Cənubi Afrika Birliyi quruldu.

1911 — Titanik gəmisi suya endirildi.

1935 — Britaniya Hindistanının Kvetta şəhərində baş verən 7,7 ballıq zəlzələ 40 min insanın həyatını itirməsinə səbəb oldu.

1970 — Peruda baş vermiş 7,9 ballıq zəlzələ nəticəsində 70 min insan həyatını itirdi.

1985 — ABŞ-ın Ohayo, Pensilvaniya və Nyu-York ştatlarını və Kanadanın Ontario əyalətini vuran 41 tornado 76 insanın ölümü ilə nəticələndi.

2010 — İsrail əsgərlərinin Qəzza bölgəsinə humanitar yardım aparan gəmilərə hücumu nəticəsində 9 mülki şəxs həlak oldu.

Digər günlər: 30 may – 31 may – 1 iyun

Arxiv – e-məktub ilə – İlin digər günləri – Haqqında

Hazırda 31 may 2025 (UTC) – Səhifəni yenilə

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri