Ugali (estuxa)

Ugali estuxa is kendakirafa kunta Ugali estuxa tir prostewafa bliga ke Ronefa Afrika ( tulon Kenya is Tanzania is Mozambika ). Benelon tir kum regelta burmeyena kan lava az tufixuayana. Varoneon, regelta loviele tir kum irka ok plebota. Konaka regeltinda zo rotaotced, leviele dejey dum trapamakurfa zo loplekud. Ugali estuxa wetce batakafi kum irkafa regelta vox beretrafi kum plebotafa regelta zo yoltar. Sinkasa voda ke bat tor bevular axamafa. Ugali trogarn tir swaxiliavaf. Estuxa Ugali estuxa tir mereyxa nume manide zo zanolur, gubeon do rostela dum kendakirafa kunta lantode burmotana do atela is kabaya bro zadaya ik irka. Rostela is mereyxa va tadlera va milbavakirafa estuxa noved. Irkaregelta tir metcazafa kiren irk koe batyona bwafa gola sokatrickir. Numen bata bliga tir omavaca mu konak celemoy irubasik ke batyona gola. Ugali estuxa do kabaya is rostela Ugali estuxa do krod Ugali estuxa do kachumbari estuxa Ugali estuxa do karku Mielafa egara va ugali estuxa Egara va ugali estuxa Ugali estuxa do jaftola is valt Ugali estuxa tir vieleafa zolonaca ke jontika ayikya Notraca Kenyafa burmotaropa Tanzaniafa burmotaropa