1
1-e ilana tozuweyer ba pereaviel ke jara ke Caesar is ba toleaviel ke jara ke Gregorius. Tiyir yavafa num dem 365 vols 366 viel. Sedme gedraf aneyasik, bata vuestena ilana zo elekayar bak 523 gan Dionysius Exiguus tucpastik patavayas va evla ke koblira ke Yesus Kristos. Neken cug aneyasik rabated da Dionysius Exiguus ruyeyer da koblira ke Yesus Kristos sokiyir bak 1-e abdi Yesus Kristos. Voxen funey icde bata evla krulder kiren oye yona bazexa bas evangil pune koblira nuve sokiyir abdion vas loon barda.
Bifa
- 1 ke taneaksat : toza ke rictulugal ke Caius Julius Caesar Vipsanianus gaderopik is ke Lucius Æmilius Paullus rictelik.
- Koe gola ke Rhein bost, mivirubik exur numen Marcus Vinicius permik voldrikon kevgir ( mali 1 kali 3 ). Va rontifa dratcera va gindaxo ke Roma gesiara ke Hermunduri sane isu Quadi isu Langobardi isu Marcomani gan Maroboduus gazik tadler.
- Tiberius Cæsar Divi Augusti Filius Augustus direkegindik va wesko lajucener askison da eda zo star.
Koblira bak 1
- Marcus Antonius Pallas, i ellasaf tunuyalanikye is suteptik ke Tiberius Claudius Drusus gindik azu Imperator Nero Clavdivs Caesar Avgvstvs Germanicvs.
- Lucius Annaeus Seneca trakopikye is wanyik is bowereik ke gindaxo ke Roma. Bata evla tir vanpokefa : in rotir nazbalayar bak -3.
Awalkera bak 1
- Archak gazik ke sakartvelafa soka. Bata evla tir vanpokefa : in rotir awalkeyer bak -2.