Pablo Iglesias

Pablo Iglesias
1. Presindente del Partíu Socialista Obreru Español
Diputáu nes Cortes
Conceyal del Ayuntamientu de Madrid
Vida
Nacimientu	Ferrol, 18 d'ochobre de 1850
Nacionalidá	España
Muerte	Madrid, 9 d'avientu de 1925 (75 años)
Sepultura	mausoleo de Pablo Iglesias (es) ; Cementerio Civil de Madrid (es)
Familia
Casáu con	Amparo Meliá (1921 – 1925)
Estudios
Llingües falaes	castellanu
Oficiu	políticu, sindicalista
Llugares de trabayu	Madrid
Emplegadores	Acción Socialista (es)
Miembru de	Unión Xeneral de Trabayadores
Creencies
Partíu políticu	Partíu Socialista Obreru Español

Pa ver otros usos d'esti términu, Pablo Iglesias (dixebra).

Pablo Iglesias Posse (18 d'ochobre de 1850, Ferrol – 9 d'avientu de 1925, Madrid) Foi'l fundador del Partíu Socialista Obreru Español (PSOE) y la Unión Xeneral de Trabayadores (UXT).

Biografía

Foi bautizáu col nome de Paulino, siendo so padre Pedro de la Iglesia Expósito emplegáu del conceyu de Ferrol y so madre Juana Posse.

A los 9 años emigró xunto a so madre y al so hermanu menor, Manuel (que más tarde morrería de tuberculosis) a Madrid. Debío a la falta de fondos de so madre foi ingresáu nel hospiciu de San Fernando, qu'abandonó a los 12 años. Acabaos los sos estudios primarios y de tipografu, entró a trabayar nuna imprenta al empar qu'asistía a clases nocherniegues de francés, pagaes per él mesmu.

Nel Seseniu Revolucionariu (1869-1875) La Internacional dio una serie de charles en Madrid, a les que Pablo asistió, entrando a formar parte de la seición de tipógrafos en 1870. Tres esto, comenzó a sufrir persecuciones y despidos por parte de distintes imprentes hasta qu'en 1874 consiguió acceder a la presidencia de l'Asociación Xeneral del Arte d'Impentar. Dende esti puestu comenzó a tresnar dende la clandestinidá un nuevu partíu políticu de corte obrero-socialista, que culminó'l 2 de mayu de 1879 cola fundación del PSOE na Casa Labra xunto a 16 tipógrafos, 4 médicos, un doctor, dos xoyeros, un marmolista y un zapateru.

En 1885, tres abandonar la presidencia de l'Asociación Xeneral del Arte d'Imprentar consiguió'l máximu puestu na Federación Tipográfica Española.

El 12 de mayu de 1886 sal a la lluz el primer númberu d'"El Socialista", revista de corte obrero-sindicalista fundada por él mesmu y que se continúa editando anguaño.

En 1888 fundó la Unión General de Trabajadores (Unión Xeneral de Trabayadores), accediendo a la so presidencia en 1889. Esti mesmu añu acudió al Congresu fundacional de la Segunda Internacional como representante portavoz del PSOE.

En 1890 encabezó la primera manifestación del 1 de mayu n'España, na que se demandaba la xornada llaboral de 8 hores y el cese del emplegu de neños nes actividades llaborales. Tamién nesi añu celebróse'l II Congresu del PSOE, nel que se decidió participar nes eleiciones como partíu republicanu de corte obrero-socialista. De fechu nes eleiciones de 1905 Pablo Iglesias, Largo Caballero y García Ormaechea salieron elixíos conceyales por Madrid.

En 1908 fundó la Casa del Pueblu de Madrid.

En 1909 foi deteníu 18 días en rellación colos socesos de la Selmana Tráxica de Barcelona, al firmar un manifiestu convocando a la güelga xeneral.

En 1910 el PSOE consiguió'l so primer diputáu de la hestoria nel Parllamentu Español, sillón qu'ocupó Iglesias, y en socesives eleiciones, en coalición colos republicanos, foi incrementándose el númberu de representantes.

En 1919 cesó parcialmente de les sos obligaciones polítiquess a causa d'una pulmonía y una salú cada vez peor.

En 1920 y 1921 el PSOE sufrió la escisión de dos grupos partidarios d'adherise a la Internacional Comunista (III Internacional) convocada por Lenin. Estos grupos (Partíu Comunista Español y Partíu Comunista Obreru Español, descontentos cola moderación del PSOE) acabaron fundando'l Partíu Comunista de España.

El 9 d'avientu de 1925 falleció en Madrid y el so calabre foi embalsamáu y espuestu na Capiella de la Casa del Pueblu de Madrid. 150.000 ciudadanos acudieron al so funeral.

Referencies

↑ ^1,0 ^1,1 Afirmao en: autoridaes BNF. Identificador BnF: 127485521. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Afirmao en: Gran Enciclopedia Soviética (1969–1978). Sección, versículu o párrafu: Иглесиас Пабло. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑ Afirmao en: Gran Enciclopedia Soviética (1969–1978). Sección, versículu o párrafu: Иглесиас Пабло. Data de consulta: 27 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑ «Desde Madrid. El cementerio civil» (en castellanu). El Pueblo (2905): páxs. 3. 8 xunetu 1929.
↑ URL de la referencia: https://fpabloiglesias.es/entrada-db/melia-monroig-amparo/. Data de consulta: 9 xunetu 2022.

Enllaces esternos

[a59528aa644f33b6e339c45ff7e61fbd55974836-1] 1,0 ^1,1 Afirmao en: autoridaes BNF. Identificador BnF: 127485521. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[5883c92bcf977f11a2b46ef2e5ec83cfa1d1a639-2] Afirmao en: Gran Enciclopedia Soviética (1969–1978). Sección, versículu o párrafu: Иглесиас Пабло. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.

[4828d084bfea6f10a7f3d917f80a8491541017db-3] Afirmao en: Gran Enciclopedia Soviética (1969–1978). Sección, versículu o párrafu: Иглесиас Пабло. Data de consulta: 27 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.

[f5f6fe360305ccd78e23b425eebe575f42f8921a-4] «Desde Madrid. El cementerio civil» (en castellanu). El Pueblo (2905): páxs. 3. 8 xunetu 1929.

[0d9636fd55097ae5ac9801a91de652d6122ec657-5] URL de la referencia: https://fpabloiglesias.es/entrada-db/melia-monroig-amparo/. Data de consulta: 9 xunetu 2022.

[1]

[2]

[3]

[4]

[5]