ছাল
| চৰ্ম | |
|---|---|
 মানুহৰ চালৰ লৈখিক চিত্ৰ। | |
| সবিশেষ | |
| চিনাক্তকাৰক | |
| লেটিন | Cutis |
| MeSH | D012867 |
| TA98 | A16.0.00.002 |
| TA2 | 7041 |
| দেহতাত্ত্বিক পৰিভাষা | |
ছাল বা চৰ্ম (ইংৰাজী: skin) হৈছে মেৰুদণ্ডীৰ বাহ্যিক আৱৰণ। অন্য প্ৰাণীৰ আৱৰণবোৰ, যেনে সন্ধীপদিৰ বহিঃ কংকাল আদিৰ বিকাশৰ উৎস, গঠন আৰু ৰাসায়নিক সংযুতি ভিন্ন। স্তন্যপায়ীৰ ছাল বহু তৰপীয়া আৱৰণি কলাৰে গঠিত আচ্ছাদন তন্ত্ৰৰ এটা অংগ, আৰু ই ভিতৰত থকা পেশী, হাড়, লিগামেণ্ট আৰু আভ্যন্তৰিণ অংগসমূহক সুৰক্ষা প্ৰদান কৰে।[1] উভচৰ, সৰিসৃপ আৰু চৰাইৰ ক্ষেত্ৰত এক ভিন্ন প্ৰকৃতিৰ ছাল দেখা পোৱা যায়।[2] প্ৰাণীৰ ছালত নোম থাকে, যদিও সামুদ্ৰিক প্ৰাণীবোৰৰ ছালত নোম দেখা পোৱা নাযায়। ছালে পৰিৱেশৰ আৰু বাহ্যিক কাৰকৰ সৈতে সুৰক্ষা প্ৰদানৰ প্ৰথম শাৰী হিচাপে সন্মুখীন হয়। উদাহৰণ স্বৰূপে, ছালে বীজাণুৰ পৰা সুৰক্ষা প্ৰদানত গুৰুত্বপূৰ্ণ ভূমিকা পালন কৰে।[3] ই দেহৰ অত্যধিক পানীৰ অৱক্ষয়ৰ পৰা ৰক্ষা কৰে।[4] ইয়াৰ অন্য কাৰ্য হৈছে অৱৰোধ, উষ্ণতাৰ সমতা ৰক্ষা কৰা, সংবেদন, আৰু ভিটামিন ডি সংশ্লেষণ কৰা। ক্ষতিগ্ৰস্থ হোৱা ছাল নতুন কলাই উপশম কৰে। ই কেতিয়াবা বৰণহীন আৰু কেতিয়াবা শেঁতা হৈ পৰে। কোনো জীৱৰ দেহৰ ভিন্ন অংশত থকা ছালৰ গভীৰতাও ভিন্ন হয়। যেনে মানুহৰ ক্ষেত্ৰত, চকুৰ পতা আৰু চকুৰ চাৰিওকাষৰ ছাল দেহৰ অন্য অংশত থকা ছালতকৈ পাতল, প্ৰায় ০.৫ মিমি, আৰু একপ্ৰকাৰৰ প্ৰথম অংশ য'ত বয়সৰ চাপ যেনে "বয়সৰ আঁছোৰ" আৰু বলি ৰেখা পৰা দেখা যায়। হাতৰ তলুৱা আৰু ভৰিৰ গোৰুহাৰ ছাল দেহৰ যিকোনো অংশত থকা ছালতকৈ ডাঠ, প্ৰায় ৪ মিমি। ছালৰ ক্ষতিপূৰণৰ হাৰ আৰু গুণগত মান ই লাভ কৰা এষ্ট্ৰ'জেনৰ পৰিমাণৰ ওপৰত নিৰ্ভৰ কৰে।[5][6][7]
নোম হৈছে ঘন চুলি।[8] প্ৰাথমিকভাৱে, ই ছালৰ অৱবোধ ক্ষমতা বৃদ্ধি কৰে কিন্তু ইয়াৰোপৰি গৌণ যৌন লক্ষণ আৰু চৰ্মাৱৰণ হিচাপেও কাৰ্য কৰে। কিছুমান প্ৰাণীৰ ছাল, অতিশয় ডাঠ আৰু কঠিন। এনে ছালৰ পৰা চামৰা প্ৰস্তুত কৰিব পৰা যায়। সৰিসৃপ আৰু মাছৰ ক্ষেত্ৰত অতিৰিক্ত সুৰক্ষাৰ বাবে ছালত ডাঠ বাকলি, আৰু চৰাইৰ ডাঠ পাখি থাকে। বাকলি আৰু পাখিবোৰ দৃঢ় বিটা- কেৰ'টিনৰ দ্বাৰা গঠিত। উভচৰৰ ছাল অতি পাতল আৰু চালৰ মাজেৰে অ'ছম'ছিছ অথবা ব্যাপনৰ জৰিয়তে বাহ্যিক পৰিৱেশৰ লগত ৰসায়নৰ আদান প্ৰদান হ'ব পৰাকৈ কিছুমান বিশেষ ছিদ্ৰ থাকে। উদাহৰণ স্বৰূপে, চেতনানাশক দ্ৰৱত থোৱা ভেকুলি এটা অতি সোনকালে অচেতন হৈ য়ায় কাৰণ ইয়াৰ ছালৰ মাজেৰে ব্যাপনৰ জৰিয়তে তৰল ইয়াৰ দেহৰ ভিতৰত প্ৰৱেশ কৰে। বিস্তৃত বাসস্থান আৰু পাৰিপাৰ্শিক অৱস্থাত দৈনন্দিন জীৱন ধাৰণ আৰু সমাৱস্থা ৰক্ষা কৰাত উভচৰৰ ছালে নিৰ্ণায়ক ভূমিকা পালন কৰে।[9]
তথ্য সংগ্ৰহ
[সম্পাদনা কৰক]- ↑ "Skin care" (analysis), Health-Cares.net, 2007
- ↑ Alibardi, L (2003). "Adaptation to the land: The skin of reptiles in comparison to that of amphibians and endotherm amniotes". J Exp Zoolog B Mol Dev Evol. খণ্ড 298 (1): 12–41. doi:10.1002/jez.b.24. PMID 12949767.
- ↑ Proksch, E; Brandner, JM; Jensen, JM (2008). "The skin: an indispensable barrier". Exp Dermatol খণ্ড 17 (12): 1063–72. doi:10.1111/j.1600-0625.2008.00786.x. PMID 19043850.
- ↑ Madison, KC (2003). "Barrier function of the skin: "la raison d'être" of the epidermis" (PDF). J Invest Dermatol খণ্ড 121 (2): 231–41. doi:10.1046/j.1523-1747.2003.12359.x. PMID 12880413. http://www.nature.com/jid/journal/v121/n2/pdf/5601872a.pdf.
- ↑ Thornton MJ (2002). "The biological actions of estrogen in skin". Experimental Dermatology. http://faculty.washington.edu/andchien/PDFs/HuBio/estrogen.pdf.
- ↑ Gillian S. Ashcroft, Teresa Greenwell-Wild, and Mark W. J. Ferguson (1999). "Topical Estrogen Accelerates Cutaneous Wound Healing in Aged Humans Associated with an Altered Inflammatory Response". The American Journal of Pathology খণ্ড 155 (4): 1137–1146. doi:10.1016/S0002-9440(10)65217-0. PMID 10514397.
- ↑ Desiree May Oh, MD, Tania J. Phillips, MD (2006). "Sex Hormones and Wound Healing". Wounds. http://www.medscape.com/viewarticle/524313_3.
- ↑ http://www.thefreedictionary.com/fur
- ↑ Clarke, BT (1997). "The natural history of amphibian skin secretions, their normal functioning and potential medical applications.". Biological reviews of the Cambridge Philosophical Society খণ্ড 72 (3): 365–379. doi:10.1017/s0006323197005045. PMID 9336100. Archived from the original on 2015-02-09. https://web.archive.org/web/20150209094419/http://journals.cambridge.org/action/displayAbstract?fromPage=online&aid=651&fileId=S0006323197005045। আহৰণ কৰা হৈছে: 2015-07-27.