Verbos auxiliars en aragonés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los verbos auxiliars en aragonés son verbos que trobamos chunto atros verbos pa formar un determinau tiempo verbal, en especial los tiempos composaus, la voz pasiva, las perifrasis verbals, atras escructuras similars, y prou que si que los tiempos verbals perifrasticos como lo pasau perfecto perifrastico. En estas construccions lo verbo auxiliar queda vuido de conteniu semantico, que recaye en l'atro verbo, por ixo lo suyo nombre d'auxiliar, s'ha convertiu purament en una palabra gramatical.

En aragonés los verbos auxiliars son:

• Haber en los tiempos composaus con participio.
• Ir en lo pasau perfecto perifrastico de l'aragonés oriental.
• ser en la voz pasiva.
• Cualsiquier verbo capaz de formar perifrasis, en especial los verbos modals.

Verbo ser como auxiliar

En aragonés los verbos ESTARE y ESSE (u ESSERE) converchioron un solo verbo estar-ser, predominando la forma de lo primero como infinitivo estar. Las formas verbals derivadas de lo segundo como lo infinitivo ser u los pasaus en fue se troban en la voz pasiva y, en cheso y cualques parlas centro-orientals, como auxiliar de verbos intransitivos de movimiento, verbos reflexivos, naixer y morir.

Por eixemplo en un verbo intransitivo de movimiento lo infinitivo composau ye ser puyau / ser puyato.

Lo pasau perfecto composau d'un verbo intransitivo de movimiento ye:

Persona	1ª Conchugación
1ª Sing.	Soi puyau / puyato
2ª Sing.	Yes puyau / puyato
3ª Sing.	Ye puyau / puyato
1ª Plur.	Semos puyaus / puyatos
2ª Plur.	Soz puyaus / puyatos
3ª Plur.	Son puyaus / puyatos

O pasau pluscuamperfecto ye:

Persona	1ª Conchugación
1ª Sing.	Yera puyau / puyato
2ª Sing.	Yeras puyau / puyato
3ª Sing.	Yera puyau / puyato
1ª Plur.	Yéranos puyaus / puyatos
2ª Plur.	Yéraz puyaus / puyatos
3ª Plur.	Yeran puyaus / puyatos

Bibliografía

• (es) SAROÏHANDY, Jean-Joseph, Misión lingüística en el Alto Aragón (compilación de materials ineditos dende 1906); Xordica Editorial. Zaragoza, 2005. ISBN 84-96457-06-0.
• (es) BARCOS, Miguel Ánchel: El Aragonés Ansotano: estudio lingüístico de Ansó y Fago. Gara d'Edizions. Zaragoza, 2007.ISBN 978-84-8094-058-0
• (es) María Pilar Benítez: L'Ansotano. Estudio del habla del Valle de Ansó. Gobierno de Aragón, 2001.
• (an) Chusé Lera Alsina: Aplego. Diccionario de Resistencia y Gramática sobre lo cheso. Massanas gràfiques. 2004.
• (es) Chabier Lozano Sierra, Ángel Lois Saludas Bernad: Aspectos morfosintácticos del belsetán, 2005, Gara d'Edizions, pp 103–105.
• (es) Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) Brian Mott: El Habla de Gistain. Instituto de Estudios Altoaragoneses, 1989.
• (es) Fernando Blas Gabarda, Fernando Romanos Hernando: Diccionario aragonés: chistabín-castellano (Val de Chistau). Colección Ainas. Gara d'Edizions, 2008.
• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses, (1999).
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.
• (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978.
• (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014.
• (es) María Luisa Arnal Purroy: El habla de la Baja Ribagorza Occidental. Institución Fernando el Católico, 1998.
• (es) Javier Terrado Pablo: La Lengua de Teruel a fines de la Edad Media. Instituto de Estudios Turolenses, 1991.