Sodio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sodio
Neón ← Sodio → Magnesio Li ↑ Na ↓ K Tabla periodica
Información cheneral
Nombre, simbolo, numero	Sodio, Na, 11
Serie quimica	Metal alcalín
Grupo, periodo, bloque	1, 3, s
Color	blanco archent metalico
Peso atomico	22.98976928(2) g·mol−1
Configuración electronica	[Ne] 3s1
Electrons por capa	2,8,1
Propiedaz fisicas
Fase	solido
Densidat (a t.a.)	0.968 g·cm−3
Densidat en liquido en o p.f.	0.927 g·cm−3
Punto de fusión	370.87 K (97.72 °C, 207.9 °F)
Punto d'ebullición	1156 K (883 °C, 1621 °F)
Punto critico	(extrapolato) 2573 K, 35 MPa
Entalpía de fusión	2.60 kJ·mol−1
Entalpía de vaporización	97.42 kJ·mol−1
Calor especifica	(25 °C) 28.230 J·mol−1·K−1
Presión de vapor P/Pa 1 10 100 1 k 10 k 100 k at T/K 554 617 697 802 946 1153
Propiedaz atomicas
Estructura cristalina	cubico centrato en as caras
Estaus d'oxidación	+1, 0, -1 (oxido muit basico)
Electronegatividat	0.93 (escala de Pauling)
Enerchías d'ionización (mas)	1ª: 495.8 kJ·mol−1
	2ª: 4562 kJ·mol−1
	3ª: 6910.3 kJ·mol−1
Radio atomico	186 pm
Radio covalent	166±9 pm
Radio de van der Waals	227 pm
Atra información
Ordenación magnetica	paramagnetico
Resistividat electrica	(20 °C) 47.7 nΩ·m
Conductividat termal	(300 K) 142 W·m−1·K−1
Dilatación	(25 °C) 71 µm·m−1·K−1
Velocidat d'o sonito	(20 °C) 3200 m/s
Modulo d'elasticidat	10 GPa
Mod. elast. transversal	3.3 GPa
Modulo de compresión	6.3 GPa
Dureza Mohs	0.5
Dureza Brinell	0.69 MPa
Numero CAS	7440-23-5
Isotopos mas estables
iso AN Vida MD ED (MeV) PD 22Na traza 2.602 a ε→γ 0.5454 22Ne* 23Na 100% 23Na ye estable con 12 neutrons

O sodio ye un elemento quimico de simbolo Na y numero atomico 11. Ye un metal alcalín blando de color archent muit abundant en a naturaleza, trobando-se en a sal marina y o mineral halita. Ye muit reactivo, crema con flama amariella, s'oxida en l'aire y reacciona violentament con l'augua.

Caracteristicas prencipals

Igual que atros metals alcalins o sodio ye un metal tovo, lichero y de color archent que no se troba libre en a naturaleza. O sodio flota en l'augua descomponendo-la, desprendendo hidrocheno y formando un hidroxido. En as condicions apropiatas reacciona espontaniament en augua. Por un regular no crema en contacto con l'aire por debaixo de 388 K (115 °C).

Aplicacions

O sodio metalico s'emplega en sintesi organica como achent reductor. Ye amás component d'o cloruro sodico (NaCl) necesario ta a vida. Atros usos son:

• En aliacions antifricción (plomo).
• En a fabricación de deterchents (en combinación con acidos grasos).
• En a purificación de metals funditos.
• L'aliación NaK, ye un material emplegato ta a transferencia de calor. O sodio tamién s'emplega como refricherant.
• aliau con plomo se fa servir en a fabricación d'aditivos antidetonants ta as benzinas.
• S'emplega tamién en a fabricación de celulas fotoelectricas.
• Iluminación por medio de lampas de vapor de sodio.

Papel biolochico

O catión sodio (Na⁺) tien un papel fundamental en o metabolismo celular, por eixemplo, en a transmisión d'o impulso niervoso (por medio d'o mecanismo de bomba de sodio). Mantiene o volumen y a osmolaridat. Fa parti, amás d'o impulso niervoso, en a contracción muscular, o equilibrio acido-base y l'absorción de nutrients por as celulas.

A concentración plasmatica de sodio ye en condicions normals de 135 - 145 mmol/l. L'aumento de sodio en a sangre ye conoixito como hipernatremia y a suya disminución hiponatremia.

Historia

O sodio (d'o italiano soda, sosa) conoixito en cuantos compuestos, no fue isolato dica 1807 por Sir Humphry Davy por medio d'a electrolisi d'a sosa caustica. En a Europa medieval s'emplegaba como remedio ta as migranyas un compuesto de sodio dito sodanum. O simbolo d'o sodio (Na), proviene de natrón (u natrium, d'o griego nítron) nombre que se le daba d'antis mas a o carbonato sodico.

Abundancia y obtención

Cremando bicarbonato sodico en un briquet bunsen s'obtiene a color amariella propia d'a linia D

O sodio ye relativament abundant en as estrelas, detectando-se a suya presencia a traviés d'a linia D d'o espectro solar, situata alto u baixo en l'amariello. A crosta terrestre contiene alto u baixo un 2,6% de sodio, o que lo fa o cuatreno elemento mas abundant, y o mas abundant d'os metals alcalins.

Actualment s'obtiene por electrolisi de cloruro sodico fundito, procedimiento mas economico que l'anteriorment emplegato, a electrolisi d'o hidroxido de sodio (NaOH). Ye o metal mas barato.

O compuesto mas abundant de sodio ye o cloruro sodico u sal común, encara que tamién se troba present en cuantos minerals com amfibols, trona, halita, zeolitas, etc.

Compuestos

Os compuestos de sodio de mayor importancia industrial son:

• Cloruro sodico u sal comú (NaCl).
• Carbonat sodico (Na₂CO₃).
• Bicarbonato sodico (NaHCO₃).
• Hidroxido sodico u sosa caustica (NaOH).
• Nitrato sodico u sal de Chile (NaNO₃).
• Tiosulfato sodico (Na₂S₂O₃ · 5H₂O).
• Bórax (Na₂B₄O₇ · 10H₂O).

Isotopos

Se conoixen trece isotopos de sodio. O unico estable ye o Na-23. Amás bi ha dos isotopos radioactivos cosmochenicos, Na-22 i Na-24, con periodos de semidesintegración de 2,605 anyos y ˜15 horas respectivament.

Precaucions

En forma metalica o sodio ye explosivo en augua y verenoso tanto isolato como combinato con muitos atros elementos. O metal ha de manipoliar-se siempre cuidadosament y almadazenar-se en atmosfera inerte, evitando o contacto con l'augua y atras substancias con as que o sodio reacciona.

Vinclos externos

• (en) webelements.com - Sodio
• (en) environmentalchemistry.com - Sodio
• (en) Ye elemental - Sodio

• Datos: Q658
• Multimedia: Sodium / Q658