Plans de l'Hospital

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Plans de l'Hospital
Hospital de Benás
Situación cheografica
Situación	Vall de Benás, Pireneu aragonés
Altaria maxima	1940 m
Altaria minima	1750 m
Pistas
Total km.	30 km
Pistas	5
Pista mas gran
Verdas	1
Azuls	1
Royas	1
Negras	1
Travesía	1
Fundo
Terrain parks
Esquí nocturno
Telesquís
Telecadieras
Telecabinas
Cintas
Canyons
Superficie	km²
Datos chenerals
Pachina oficial
Correu-e	[email protected]
Telefono	974 55 20 12
Fax

Os Plans de l'Hospital (en aragonés ribagorzano /pʎans de los.pi.'tal/, en aragonés estandar Plans d'o Hespital, en castellano Llanos del Hospital) son una estación d'esquí nordico situata en o municipio de Benás, en o corazón d'o Parque Natural de Pocez-Maladeta.

Pistas d'esquí

A estación en verano

Bi ha tres pistas d'esquí nordico, un camín ta zatas y una pista d'esquí de travesía:

• Plan de l'Hospital ye a pista verda ta prencipiants y ye situata chunto a l'edificio prencipal d'a estación. Tien una largaria d'entre 5 y 7 km, dos d'os cuals son de tot plans con un desnivel maximo de 50 m.
• Plan d'Estany ye una pista azul de 18 km de largaria ta esquiadors de ran meyo. Prencipia y remata en a pista de Pllan de l'Hospital y tien un desnivel maximo entre cotas maxima y minima de 150 m.
• Plan de la Besurta pista roya que prencipia y remata en l'anterior pista de Plan d'Estany. con desnivel maximo de 60 m y 5 km de largaria plega dica o laco Villamorta inferior y puet veyer-se dende o glaciar d'a Maladeta.
• O Camino dels Aranesos ye un camín de 5 kms ta pasiar con zatas. Prencipia en o Plan de l'Hospital y puya dica o Forau d'Aigualluts a 2000 m d'altaria por l'antigo camín que uniba Benás y a Val d'Arán.
• A pista de travesía permite puyar a esquiar ta os glaciars d'Aneto y a Maladeta tanto d'hibierno como de verano. D'hibierno a mas ye posible baixar dende o pico d'Alba dica o Plan de l'Hospital esquiando con un total de 1368 m de desnivel.

Historia

A historia d'os Plans de l'Hospital prencipia con os tres hespitals que bi habió en Benás. O primero d'éls estió o dito Hespital Viello que yera d'orichen medieval, establito por os Caballers Hespitalers en zaguerías d'o sieglo XII en os dos cantos d'o puerto d'a Glera. O rei Alifonso II fació una donación en setiembre de 1172 a os Caballers Hespitalers d'una ampla zona chunto a o hespital en o puerto de Gorgutes (dito o puerto Viello) con a que podrían mantener os ganatos. Tamién se construyó en ista epoca una ilesia romanica y atros edificios.

En zaguerías d'o sieglo XVIII s'albandonó o 'Hespital Viello por atro dito Hespital Nuevo que funcionó entre os sieglos XVIII y XIX. No se sabe bien porque s'albandonó, puet estar que por un lurte que danyó o viello u porque iste yerá mas alexato d'o puerto de Benás (dito o puerto Nuevo) por a on pasaban allora a mayor parti d'os pelegrins.

O segundo hespital fue estrozato por un lurte en 1870 y s'habió de creyar un atro nuevo en o puesto a on ye actualment, muito mas seguro. Dimpués d'a Guerra Civil fue albandonato dica que se recuperó ta l'hotel d'a estación d'esquí.

Servicios

A estación incluye tot tipo de servicios incluito parking, escuela d'esquí, arquilinato de material y alochamiento con un hotel de 55 cambras, antigo hespital de Benás.

Curiosidaz

O disco Avalancha de Héroes del Silencio estió composato en iste puesto por Enrique Bunbury.

Vinclos

• Se veigan as imáchens de Commons sobre Estación d'esquí nordico de Plans de l'Hospital.
• (es) Pachina oficial
• (es) (fr) (en) Historia d'o Hespital
• (es) En www.espaciosnordicosdearagon.es

• Datos: Q3257491
• Multimedia: Estación de esquí de fondo de Llanos del Hospital (Benasque) / Q3257491