N'Djamena
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| N'Djamena انجمينا | ||
| Localidat de Chad | ||
| ||
.jpg) Anvista de N'Djamena. | ||
| Estau • Rechión |
 ChadN'Djamena | |
| Superficie | 104 km² | |
| Población • Total |
1092066 hab. (2012) | |
| Altaria • Meyana |
298 m. | |
| Coordenadas | ||
N'Djamena (en arabe انجمينا ) ye a capital de Chad y a suya ciudat mas poblada.[1]
N'Djamena estió fundada como Fort-Lamy per o comandant francés Émile Gentil o 29 de mayo de 1900, y prene lo suyo nombre d'Amédée-François Lamy, un oficial de l'exercito francés que i heba muerto en a batalla de Kousséri bels días dinantis. Estió una important ciudat comercial y se convirtió en a capital d'a rechión y a nación. Lo 6 de noviembre de 1973 o president François Tombalbaye la renombra N'Djamena, d'o nombre d'un lugar arabe amanau clamau Am Djamena, que significa puesto d'escanso. Iste cambeo yera parti d'un programa d'africanización.
Clima
[editar | modificar o codigo]N’Djamena tien un clima semiarido calido con una estación humida curta y una estación ixuta alongada. Tot y que la ciudat recibe un promeyo d'arredol de 510 mm de plevida per anyo, a resultas d'a muit alta evapotranspiración d'a redolada, N'Djamena encara caye en a categoría de clima semiarido. A temporada de plevidas dura dende chunio dica setiembre, y as precipitacions mas intensas se producen en agosto. L'estación ixuta cubre esencialment os ueito meses restantes. Seguntes as temperaturas anyals, N'Djamena ye una d'as ciudaz mas calients d'a planeta. En nomás un mes de l'anyo (agosto) as temperaturas maximas promeyo mensuals no superan a marca de 32 °C . As temperaturas mas altas d'a ciudat por un regular s'alufran entre marzo y mayo, chusto antis de l'inicio d'as plevidas mas intensas. Manimenos, difuera d'os meses mas calidos de l' anyo, as nueiz en N'Djamena son por un regular agradables.
