Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O darmstadtio (antis mas conoixito como ununilio) ye un elemento quimico d'a tabla periodica de simbolo Ds y numero atomico 110, estando alavez un d'os atomos súper pesatos. Ye un elemento sintetico que decaye a escape; os suyos isotopos de masa 267 a 273 tienen periodos de semidesintegración de l'orden d'os microsegundos. Manimenos, s'han puesto sintetizar tamién recientment isotopos mas pesatos de masa 279 y 281, mas estables con periodos de semidesintegración de 180 milisegundos y 11,1 segundos, respectivament. Debito a la suya presencia en o grupo 10 se creye que iste elemento puet estar un metal solido brillant.
Fue creyato por primera vegata o 9 de noviembre de 1994 en a Gesellschaft für Schwerionenforschung en Darmstadt, Alemanya, por P. Armbruster, S. Hofmann, G. Münzenberg y otros.[1] Nunca no s'ha visto y nomás bels poquez atomos d'o mesmo han estato creyatos por a fusión nucleyar chenerata a traviés d'o bombardeyo d'isotopos de plomo (208Pb) con ions aceleratos de níquel (62Ni, 311 MeV), en un acelerador d'ions pesatos. O elemento fue nombrato por a IUPAC en agosto de 2003 en honor a la ciudat a on se descubrió, Darmstadt.
Datos: Q1266
Multimedia: Darmstadtium / Q1266