IBM-PC
| IBM-PC | |
|---|---|
| Typ | Personal Computer |
| Uusecho | August 12, 1981 |
| Iistellig vo dr Produktion | April 2, 1987 |
| Bedriibssystem | IBM BASIC / PC-DOS 1.0 CP/M-86 UCSD p-System |
| CPU | Intel 8088 @ 4.77 MHz |
| Spiicher | 16 kB bis 256 kB |
| Audio | 1-Kanal PWM |
Dr IBM-PC (änglisch IBM PC) stoht as Oberbegriff für dr erst Personal Computer (PC) vo dr Firma IBM, siini Wiiterentwicklige und die mehr oder weniger ähnlige Nochbaute und Fortfüehrige vo dere Computerfamilie dur anderi Undernähme, wo au as IBM-PC-kompatibel oder PC-kompatibel bezeichnet wärden. Dr erst IBM-PC het dr Name IBM 5150 Personal Computer gha und isch vo 1981 a fast sächs Johr lang unveränderet produziert worde. Er het no kei Festblatte gha, sondern nume ei oder zwei Diskettelaufwärk.
De Nochfolgersystem mit ere optionale Festblatte het me IBM PC XT gsait und spöter, dene mit eme i286-Prozässer, IBM PC AT. In dr Fachsproch zieht me em Begriff „IBM-PC“ dr Begriff „IBM-PC kompatible Computer“ oder churz „IBM-kompatibel“ vor. Bi IBM sälber het me d Klon as IBM PC-konvertibel bezeichnet. Noch dr unglücklige Iifüehrig vo de IBM PS/2-Modäll, wo vo dr Hardware us nit PC-kompatibel gsi si, und mit em Erschiine vo Microsoft Windows 3.x isch dr Usdrugg IBM-PC scho vo 1990 aa ehnder e historische Begriff gsi. Sit dr Iifüehrig vo Microsoft Windows 95 het me im PC-Märtsegmänt praktisch nume no vo Windows-Kompatibilität gschwätzt.
Weblink
[ändere | Quälltäxt bearbeite]
Commons: IBM Personal Computer – Sammlig vo Multimediadateie