S Basler Düübli
| S Basler Düübli | |
|---|---|
| |
| Usgoob | |
| Land | Kanton Basel-Stadt |
| Nominalwärt | 2½ Rappe |
| Erstdaag | 1. Juli 1845 |
| Gültig bis | 30. Septämber 1854 |
| Gstaltig | |
| Bildmotiv | Wissi Duube |
| Farbe | meerfarbig |
| Entwurf | Melchior Berri |
| Stich | |
| Druckart | Buechdruck |
| Perforazioon | Gschnitte |
| Bsunderhäite | |
| Uflaag | |
| Uflaag | 41'400 Exemplaar |
| Dialäkt: Baseldütsch |
S Basler Düübli isch die ersti und äinzigi Briefmarke, wo vom Schwizer Kanton Basel-Stadt uusegee worde isch.
S Basler Düübli isch am 1. Juli 1845 uusechoo. Zu deere Zit het s no käi äihäitligs Bostwääse für die ganzi Schwiz gee. Jede Kanton isch für si äignige Bostdienst verantwortlig gsi. Erst noch em Sonderbundschrieg isch am 1. Januar 1849 s Schwizer Bostwääse gründet worde, wo vo 1850 allgemäini Briefmarke für die ganzi Schwiz uusegee het. Bis denn häi usser Basel nume no d Kantöön Züri und Gämf Briefmarke uusegee.
Dr Wärt vom Basler Düübli isch 2½ Rappe gsi und isch für Brief bis zu 1 Lot (15 Gramm) im Stadtgebiet vo Basel bestimmt gsi. Dr Archidekt Melchior Berri het d Marke gstaltet. Er het as Motiv e wissi Duube gnoo, wo um sä ume d Inschrift Stadt-Post-Basel isch. S Bsundere an dr Briefmarke isch aber iiri Farb. S Briefmarkemotiv isch in drei Farbe, schwarz, blau und karmin, druckt worde und isch eso die ersti meerfarbigi Briefmarke uf dr Wält.
D Briefmarke isch im Buechdruckverfaare häärgstellt worde. D Duube isch brägt gsi und stoot doorum e chlii us em Babbiir uuse. S Basler Düübli isch gschnitte verchauft worde. Das bedütet, ass si käi Perforazioon het und doorum mit dr Scheeri us em Booge uusegschnitte worde isch. Mä het die Briefmarke bis zum 30. Säptember 1854 chönne bruuche.
Dr hoochi Sammlerwärt vom Basler Düübli chunnt drvoo, ass d Marke sälte und seer bekannt isch. Si ghöört näbe dr Dobbelgämf und dr Züri 4 und Züri 6 zu de beliebtiste Briefmarke bi Schwizer Filateliste.
Weblingg
[ändere | Quälltäxt bearbeite]- Abbildig vo mee as 300 Brief mit Basler Düübli under anderem au us Aukzioone in de letschte 20 Joor
- Bekannti Bäärli vom Basler Düübli
- Bekannti Boogerandstück vom Basler Düübli
- Basler Düübli Stämpel
|
Dä Artikel basiert uff ere fräie Übersetzig vum Artikel „Basler_Taube“ vu de dütsche Wikipedia. E Liste vu de Autore un Versione isch do z finde. |