Liam Neeson

	Liam Neeson
	Neeson in 2012.
Geboortenaam	Liam John Neeson
Geboorte	7 Junie 1952 (72 jaar oud) ; Ballymena, Noord-Ierland, Groot-Brittanje
Nasionaliteit	Britse
Beroep(e)	Akteur
Aktiewe jare	1976-tans

Liam John Neeson, OBE (gebore op 7 Junie 1952)^[1] is ’n Noord-Ierse akteur.^[2]

Loopbaan

In 1976 het hy by die Lyric Players' Theatre in Belfast aangesluit. Hy het daarna in die rolprent Excalibur (1981) verskyn. Tussen 1982 en 1987 was hy in vyf prente te sien, onder meer in The Bounty saam met Mel Gibson en Anthony Hopkins (1984) en The Mission saam met Robert de Niro en Jeremy Irons (1986). In 1989 het hy ’n hoofrol saam met Patrick Swayze vertolk in Next of Kin (1989).

Hy het groter bekendheid verwerf toe hy in 1993 die titelrol vertolk het in Schindler's List, wat die Oscar vir beste rolprent gewen het. Hy het daarna in ander suksesvolle prente gespeel, soos die geskiedenisprent Michael Collins (1996), die musiekspel Les Misérables (1998), die epiese Star Wars Episode I: The Phantom Menace (1999), die biografiedrama Kinsey (2004), die superheldprent Batman Begins (2005), die fantasie-avontuur Clash of the Titans (2010), die fantasiereeks The Chronicles of Narnia (2005–'10) en die riller The Grey (2011).

Hy is vir verskeie pryse vir beste akteur benoem, onder meer ’n Oscar, ’n Bafta en drie Golden Globes. Die rolprenttydskrif Empire beskou Neeson as "een van die 100 sexyste sterre in die rolprentgeskiedenis" en van "die top-100-rolprentsterre van alle tye".^[3]

Verwysings

↑ Morales, Tatiana (15 Desember 2004). "Liam Neeson on Kinsey" (in Engels). CBS News. Geargiveer vanaf die oorspronklike op 19 Oktober 2013. Besoek op 16 Oktober 2010.
↑ "Liam Neeson promotes Northern Ireland tourism" (in Engels). BBC. 10 Maart 2014. Geargiveer vanaf die oorspronklike op 28 April 2019. Besoek op 29 Desember 2015.
↑ "Empire Magazine's Top 100 Movie Stars 1997". amiannoying.com (in Engels). Geargiveer vanaf die oorspronklike op 25 Januarie 2016. Besoek op 26 Maart 2011.

Eksterne skakels

Liam Neeson by Box Office Mojo
Liam Neeson in die Internet-rolprentdatabasis
Liam Neeson in die TCM-rolprentdatabasis
Wikimedia Commons het meer media in die kategorie Liam Neeson.
Hierdie artikel is vertaal uit die Engelse Wikipedia

[swe-1] Morales, Tatiana (15 Desember 2004). "Liam Neeson on Kinsey" (in Engels). CBS News. Geargiveer vanaf die oorspronklike op 19 Oktober 2013. Besoek op 16 Oktober 2010.

[2] "Liam Neeson promotes Northern Ireland tourism" (in Engels). BBC. 10 Maart 2014. Geargiveer vanaf die oorspronklike op 28 April 2019. Besoek op 29 Desember 2015.

[3] "Empire Magazine's Top 100 Movie Stars 1997". amiannoying.com (in Engels). Geargiveer vanaf die oorspronklike op 25 Januarie 2016. Besoek op 26 Maart 2011.

[1]

[2]

[3]