Internasionale Tennisheldesaal
41°28′58″N 71°18′30″W / 41.482774°N 71.308243°W
| Internasionale Tennisheldesaal | |
| |
Die Newport-casino, tuiste van die Internasionale Tennisheldesaal.
| |
| Ander name | International Tennis Hall of Fame |
|---|---|
| Plek | Newport, Rhode Island |
| Land | VSA |
| Openingsjaar | 1880 1954 (heldesaal en museum) |
| Tipe museum | Sportsaal, heldesaal |
| Webtuiste | tennisfame.com/ |
Die Internasionale Tennisheldesaal (Engels: International Tennis Hall of Fame) is in Newport, Rhode Island, in die VSA geleë. Dit bring hulde aan spelers van en bydraers tot tennis en sluit ’n museum en tennisbane in.
Geskiedenis
[wysig | wysig bron]
Die heldesaal en museum is geleë in die Newport-casino, wat in in 1879 deur James Gordon Bennett jr. laat bou is as ’n eksklusiewe oord vir ryk somerinwoners van Newport. Dit is ontwerp deur Charles McKim en Stanford White, wat vir die binneversiering verantwoordelik was. In 1881 is die tennisbaan en casinoteater in die oostelike deel van die perseel gebou.
Die klub het op 1 Julie 1880 sy deure geopen en was gou gewild onder Newport se somerinwoners. Die VSA-tennisvereniging het sy eerste kampioenskapsbyeenkoms in 1881 in die Newport-casino gehou, ’n geleentheid wat tot in 1914 sou voortduur. Teen dié tyd het tennis die hoofattraksie by die oord geword.
Teen die 1950's het die oord egter finansieel gesukkel en die gevaar geloop om gesloop te word om plek te maak vir sakeondernemings. Dit is gekoop en so gered deur Jimmy van Alen, ’n ryk somerinwoner en sportman, en sy vrou, Candy. In 1954 het Van Alen die heldesaal en museum in die casino gevestig.[1][2] Die VSA-tennisvereniging het die Internasionale Tennisheldesaal amptelik goedgekeur toe die vereniging in 1954 gestig is en in 1986 het die Internasionale Tennisfederasie dit erken. Die eerste mense is in 1955 vereer; teen 2017 was daar 252 vereerdes van 23 lande.[3]
Martina Hingis het in 2015 die eerste wêreldwye ambassadeur van die Internasionale Tennisheldesaal geword.[4]
Beskrywing
[wysig | wysig bron]Die museum bevat ’n groot versameling artefakte en aandenkings – insluitende video's, foto's, klankopnames, tennistoerusting, trofeë en kuns – oor die geskiedenis van tennis van sy oorsprong tot in die moderne tydperk. Dit word permanent uitgestal in die uitstalruimte van 1 200 m2.[5]
Die heldesaal is die gasheer van verskeie tenniskampioenskapsbyeenkomste, insluitende die Heldesaaltenniskampioenskap. Dit is deel van die APT-toer en die enigste toernooi in Noord-Amerika op ’n grasbaan. Manlike topspelers kom reguit van Wimbledon na Newport en ding om die Van Alen-beker mee.
Verwysings
[wysig | wysig bron]- ↑ "General Information". International Tennis Hall of Fame & Museum. Geargiveer vanaf die oorspronklike op 11 April 2020. Besoek op 23 Oktober 2011.
- ↑ "Obituaries: James Van Alen, 88, Innovator Who Changed Scoring in Tennis". The New York Times (in Engels). Associated Press. 5 Julie 1991. Geargiveer vanaf die oorspronklike op 11 April 2020. Besoek op 29 Maart 2009.
- ↑ https://www.tennisfame.com/hall-of-famers/eligibility-voting-process
- ↑ Martina Hingis named Global Ambassador for the International Tennis Hall of Fame. Besoek op 2015-09-11.
- ↑ "Permanent Collections". International Tennis Hall of Fame & Museum. Geargiveer vanaf die oorspronklike op 11 April 2020. Besoek op 23 Oktober 2011.
Eksterne skakels
[wysig | wysig bron]- Amptelike webtuiste Geargiveer 21 Julie 2019 op Wayback Machine
- 11 Interessante items in die Internasionale Tennisheldesaal
- Artikel oor die Internasionale Tennisheldesaal Geargiveer 24 Oktober 2007 op Wayback Machine
Hierdie artikel is vertaal uit die Engelse Wikipedia
