FIFA Sokker-Konfederasiebeker in 2009

FIFA Sokker-Konfederasiebeker

FIFA Confederations Cup South Africa 2009 FIFA Sokker-Konfederasiebeker in 2009
Toernooi-inligting
Gasheerland	Suid-Afrika
Datums	14 – 28 Junie
Spanne	8 (van 6 konfederasies)
Stadions	4 (in 4 stede)
Finale uitslag
Kampioene	Brasilië (3 titels)
Tweede plek	Verenigde State
Derde plek	Spanje
Vierde plek	Suid-Afrika
Toernooi-statistieke
Wedstryde gespeel	16
Doele	44 (2.75 per wedstryd)
Bywoning	584 894 (36 556 per wedstryd)
Meeste punte	Luís Fabiano (5 doele)
Beste speler	Kaká
← 2005 2013 →

Die FIFA Sokker-Konfederasiebeker in 2009 (Engels: FIFA Confederations Cup) is van 14 tot 28 Junie 2009 in Suid-Afrika aangebied en het vir die gasheer as ’n voorbereiding op die FIFA Sokker-Wêreldbekertoernooi in 2010 gedien. Dit was die sesde sokker-konfederasiebeker wat onder FIFA se vaandel aangebied is. Die eerste twee toernooie in 1992 en 1995 is onder die naam Koning Fahd-beker aangebied en terugwerkend deur FIFA as Sokker-Konfederasiebekertoernooie erken.

Die Sokker-Konfederasiebekertrofee waarom meegeding is

Soos gebruiklik het die gasheerland, die destydse wêreldkampioen en die kampioene van elk van die ses sokkerbonde deelgeneem. Die verdedigende kampioen Brasilië het die toernooi gewen nadat hulle die Verenigde State met 3–2 in die eindstryd geklop het. Spanje het in die derde en die gasheer Suid-Afrika in die vierde plek geëindig.

Stadions

Wedstryde is in die volgende stede gespeel:

Rustenburg	Johannesburg     Pretoria Bloemfontein Rustenburg FIFA Sokker-Konfederasiebeker in 2009 (Suid-Afrika)	Pretoria
Royal Bafokeng-stadion		Loftus Versfeld
25°34′43.5″S 27°9′39.4″O		25°45′11.8″S 28°13′22.6″O
Kapasiteit: 42 000		Kapasiteit: 50 000
Bloemfontein		Johannesburg
Vrystaatstadion		Ellispark-stadion
29°7′3″S 26°12′32″O		26°11′51.2″S 28°3′38.7″O
Kapasiteit: 48 000		Kapasiteit: 60 000

Deelnemende spanne

Spanne wat aan die FIFA Konfederasiebeker in 2009 deelgeneem het

Span	Konfederasie	Kwalifisering	Deelname
Suid-Afrika	CAF	Gasheer van die FIFA Sokker-Wêreldbekertoernooi in 2010	2de
Italië	UEFA	Wenner van die FIFA Sokker-Wêreldbekertoernooi in 2006	1ste
Verenigde State	CONCACAF	Wenner van die CONCACAF Goue-beker in 2007	4de
Brasilië	CONMEBOL	Wenner van die Copa América in 2007	6de
Irak	AFC	Wenner van die Asië Nasies-beker in 2007	1ste
Egipte	CAF	Wenner van die Afrikanasiesbeker in 2008	2de
Spanje	UEFA	Wenner van die UEFA Europa-beker in 2008	1ste
Nieu-Seeland	OFC	Wenner van die Oseanië Nasies-beker in 2008	3de

Wedstrydbal

’n Replika van die Adidas Kopanya (die FIFA Sokker-Konfederasiebeker in 2009 se amptelike wedstrydbal) met die tradisionele 32-paneelstruktuur. Die amptelike wedstrydbal het dieselfde struktuur en oppervlak as die Adidas Europass

Die FIFA Sokker-Konfederasiebeker in 2009 se amptelike wedstrydbal was die Adidas Kopanya. Die naam beteken “kom bymekaar” in Suid-Sotho, een van die elf amptelike tale van Suid-Afrika. Die bal se paneelstruktuur is dieselfde as by die vorige balle Teamgeist en Europass. Die bal is wit en versier met dik swart lyne asook ’n gedetailleerde tradisionele Ndebele-ontwerp in rooi, geel, groen en blou.

Formaat

Die FIFA Sokker-Konfederasiebeker in 2009 is oor 15 dae tussen agt verskillende nasies oor 16 wedstryde uitgespeel. Dit het op 14 Junie 2009 op die Ellispark-stadion in Johannesburg met ’n wedstryd tussen die gasheer Suid-Afrika en Irak afgeskop. Die toernooi het geëindig by dieselfde stadion op 28 Junie met die eindstryd tussen Verenigde State en Brasilië, waartydens Brasilië die Sokker-Konfederasiebekertrofee ingepalm het. Dieselfde formaat is voorheen tydens die FIFA Sokker-Konfederasiebekertoernooie in 1997, 1999, 2001, 2003 en 2005 ingespan.

Kalender

Die volgende tabel dui die FIFA Sokker-Konfederasiebeker in 2009 se daaglikse program aan. ’n Pers blokkie dui op wedstryde tydens die groepfase, ’n groen blokkie dui op wedstryde tydens die uitklopfase en ’n kakie blokkie op beide die bronseindstryd en die eindstryd wat op dieselfde dag beslis is.

Aantal daaglikse wedstryde tydens die toernooi Groepfase Junie So 14 Ma 15 Di 16 Wo 17 Do 18 Vr 19 Sa 20 So 21 Seremonies OS Groep A 2 2 2 Groep B 2 2 2 Uitklopfase Junie Ma 22 Di 23 Wo 24 Do 25 Vr 26 Sa 27 So 28 Seremonies SS Uitklopfase 1 1 2

Legende    Seremonies    Groepwedstryde    Uitklopfase    Derde plek en eindstryd

Groepfase

Die FIFA Sokker-Konfederasiebeker in 2009 is deur agt nasionale sokkerspanne uitgespeel. Vir die groepfase is die agt deelnemende spanne in twee groepe van vier spanne elk verdeel; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Drie punte is vir ’n oorwinning toegeken, een vir ’n gelykop en geen punte vir ’n nederlaag: spanne wat met dieselfde aantal punte geëindig het, is volgens aangetekende doele gerangskik.

Klassifisering binne elke groep was gegrond op die volgende puntestelsel:

• Drie wedstrydpunte vir ’n oorwinning;
• Een vir ’n gelykop;
• geen vir ’n nederlaag.

Aan die einde van die groepfase is die spanne gerangskik van die eerste na die vierde posisie, gegrond op versamelde wedstrydpunte, met die twee top spanne wat na die uitklopfase deurgedring het. As twee spanne gelyk op punte was, is die rangorde deur hul aantal aangetekende doele bepaal.

Uitklopfase

Van die begin van dié fase af het die toernooi ’n uitklopformaat aangeneem wat uit vier wedstryde bestaan het: twee halfeindstryde, ’n derdeplekwedstryd en die eindstryd.

Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die halfeindstryde gespeel met die wenner van Groep A wat teen die naaswenner van Groep B en die wenner van Groep B wat teen die naaswenner van Groep A gespeel het. Spanne van dieselfde groep sou dus eers weer in óf die klein finale óf die eindstryd kon ontmoet het.

Elke wedstryd in die uitklopstadium moes met ’n oorwinning vir een van die spanne eindig. As daar ná negentig minute van gewone spel ’n gelykopuitslag was, is daar verder gespeel om die wenner te bepaal. Aanvanklik is daar twee periodes van ekstra tyd gespeel, 15 minute in elke rigting. As daar steeds nie ’n wenner was ná 120 minute nie, is die wenner deur ’n strafskopkompetisie bepaal.

Wedstryde

Kwalifiseer vir die uitklopfase.

Uit die toernooi geskakel.

Die wedstryde is in twee fases opgedeel, naamlik die groep- en die uitklopfase. Die loting is op 22 November 2008 in die Sandton-konferensiesentrum in Johannesburg gehou.

Groepfase

Agt spanne het aan die groepfase deelgeneem. Die boonste twee spanne in elke groep het na die uitklopfase deurgedring.

Groep A

Land	Wed	Wen	Gel	Ver	DV	DT	+/–	Pte
Spanje	3	3	0	0	8	0	+8	9
Suid-Afrika	3	1	1	1	2	2	0	4
Irak	3	0	2	1	0	1	–1	2
Nieu-Seeland	3	0	1	2	0	7	–7	1

14 Junie 2009 16:00 SAST
	Suid-Afrika	0–0	Irak	Ellispark-stadion, Johannesburg Toeskouers: 48 837 Skeidsregter: Jorge Larrionda (Uruguay)
		Verslag

14 Junie 2009 20:30 SAST
	Nieu-Seeland	0–5	Spanje	Royal Bafokeng-stadion, Rustenburg Toeskouers: 21 649 Skeidsregter: Coffi Codjia (Benin)
		Verslag	6', 14', 17' Torres 24' Fàbregas 48' Villa

17 Junie 2009 16:00 SAST
	Spanje	1–0	Irak	Vrystaatstadion, Bloemfontein Toeskouers: 30 512 Skeidsregter: Matthew Breeze (Australië)
	Villa 55'	Verslag

17 Junie 2009 20:30 SAST
	Suid-Afrika	2–0	Nieu-Seeland	Royal Bafokeng-stadion, Rustenburg Toeskouers: 36 598 Skeidsregter: Benito Archundia (Meksiko)
	Parker 21', 52'	Verslag

20 Junie 2009 20:30 SAST
	Irak	0–0	Nieu-Seeland	Ellispark-stadion, Johannesburg Toeskouers: 23 295 Skeidsregter: Howard Webb (Engeland)
		Verslag

20 Junie 2009 20:30 SAST
	Spanje	2–0	Suid-Afrika	Vrystaatstadion, Bloemfontein Toeskouers: 38 212 Skeidsregter: Pablo Pozo (Chili)
	Villa 52' Llorente 72'	Verslag

Groep B

Land	Wed	Wen	Gel	Ver	DV	DT	+/–	Pte
Brasilië	3	3	0	0	10	3	+7	9
Verenigde State	3	1	0	2	4	6	–2	3
Italië	3	1	0	2	3	5	–2	3
Egipte	3	1	0	2	4	7	–3	3

15 Junie 2009 16:00 SAST
	Brasilië	4–3	Egipte	Vrystaatstadion, Bloemfontein Toeskouers: 27 851 Skeidsregter: Howard Webb (Engeland)
	Kaká 5', 90' (straf) Luís Fabiano 11' Juan 37'	Verslag	9', 55' Zidan 54' Shawky

15 Junie 2009 20:30 SAST
	Verenigde State	1–3	Italië	Loftus Versfeld, Pretoria Toeskouers: 34 341 Skeidsregter: Pablo Pozo (Chili)
	Donovan 41' (straf)	Verslag	58', 90+4' Rossi 72' De Rossi

18 Junie 2009 16:00 SAST
	Verenigde State	0–3	Brasilië	Loftus Versfeld, Pretoria Toeskouers: 39 617 Skeidsregter: Massimo Busacca (Switserland)
		Verslag	7' Felipe Melo 20' Robinho 62' Maicon

18 Junie 2009 20:30 SAST
	Egipte	1–0	Italië	Ellispark-stadion, Johannesburg Toeskouers: 52 150 Skeidsregter: Martin Hansson (Swede)
	Homos 40'	Verslag

21 Junie 2009 20:30 SAST
	Italië	0–3	Brasilië	Loftus Versfeld, Pretoria Toeskouers: 41 195 Skeidsregter: Benito Archundia (Meksiko)
		Verslag	37', 43' Luís Fabiano 45' (e.d.) Dossena

21 Junie 2009 20:30 SAST
	Egipte	0–3	Verenigde State	Royal Bafokeng-stadion, Rustenburg Toeskouers: 23 140 Skeidsregter: Michael Hester (Nieu-Seeland)
		Verslag	21' Davies 63' Bradley 71' Dempsey

Uitklopfase

	Halfeindrondte				Eindrondte
	24 Junie – Bloemfontein
	Spanje	0
	Verenigde State	2
					28 Junie – Johannesburg
					Verenigde State	2
					Brasilië	3
					Derde plek
	25 Junie – Johannesburg			28 Junie – Rustenburg
	Brasilië	1		Spanje	3
	Suid-Afrika	0			Suid-Afrika	2

Halfeindrondte

24 Junie 2009 20:30 SAST
	Spanje	0–2	Verenigde State	Vrystaatstadion, Bloemfontein Toeskouers: 35 369 Skeidsregter: Jorge Larrionda (Uruguay)
		Verslag	27' Altidore 74' Dempsey

25 Junie 2009 20:30 SAST
	Brasilië	1–0	Suid-Afrika	Ellispark-stadion, Johannesburg Toeskouers: 48 049 Skeidsregter: Massimo Busacca (Switserland)
	Dani Alves 88'	Verslag

Klein finale (om die derde plek)

28 Junie 2009 15:00 SAST
	Spanje	3–2 (e.t.)	Suid-Afrika	Royal Bafokeng-stadion, Rustenburg Toeskouers: 31 788 Skeidsregter: Matthew Breeze (Australië)
	Güiza 88', 89' Alonso 107'	Verslag	73', 90+3' Mphela

Eindstryd

28 Junie 2009 20:30 SAST
	Verenigde State	2–3	Brasilië	Ellispark-stadion, Johannesburg Toeskouers: 52 291 Skeidsregter: Martin Hansson (Swede)
	Dempsey 10' Donovan 27'	Verslag	46', 74' Fabiano 84' Lúcio

Sokker-Konfederasiebekerkampioen 2009
Brasilië

FIFA se terugwerkende ranglys

In 2017 het FIFA ’n verslag gepubliseer waarin al die deelnemende spanne van elke Sokker-Konfederasiebeker insluitende die destydse FIFA Sokker-Konfederasiebeker in 2017 geranglys is volgens vordering in die toernooi, algehele resultate en kwaliteit van die meedinger. Die ranglys vir die 2009-toernooi is soos gevolg:

Rang	Span	Groep	Wed	Wen	Gel	Ver	DV	DT	+/–	Pte
1	Brasilië	B	5	5	0	0	14	5	+9	15
2	Verenigde State	B	5	2	0	3	8	9	–1	6
3	Spanje	A	5	4	0	1	11	4	+7	12
4	Suid-Afrika	A	5	1	1	3	4	6	−2	4
In die groepfase uitgeskakel
5	Italië	B	3	1	0	2	3	5	–2	3
6	Egipte	B	3	1	0	2	3	5	–2	3
7	Irak	A	3	0	2	1	0	1	−1	2
8	Nieu-Seeland	A	3	0	1	2	0	7	−7	1

Meeste doele aangeteken

Meeste doele aangeteken:

Rang Speler Doele 1 Luís Fabiano 5 2 Fernando Torres 3 David Villa 3 Clint Dempsey 3 5 Kaká 2 Mohamed Zidan 2 Giuseppe Rossi 2 Daniel Güiza 2 Katlego Mphela 2 Bernard Parker 2 Landon Donovan 2 12 Homos 1 Mohamed Shawky 1 Dani Alves 1

Rang Speler Doele 12 Juan 1 Lúcio 1 Maicon 1 Felipe Melo 1 Robinho 1 Daniele De Rossi 1 Xabi Alonso 1 Cesc Fàbregas 1 Fernando Llorente 1 Jozy Altidore 1 Michael Bradley 1 Charlie Davies 1 Andrea Dossena ED

Luís Fabiano

Eksterne skakels

• (en) fifa.com: Brazil crowned on magical stage
• (en) fifa.com: FIFA Technical Report Geargiveer 29 Junie 2013 op Wayback Machine
• (en) rsssf.com: Intercontinental Cup for Nations 2009