1333

Die jaar 1333 was 'n gewone jaar wat volgens die Gregoriaanse kalender op 'n Donderdag begin het. Dit was die 33ste jaar van die 14de eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

Spanje

• Februari – Die Derde Beleëring van Gibraltar. Die Marokkaanse vors Abd al-Malik Abd al-Wahid beleër Gibraltar wat sedert 1309 in Kastiliaanse hande is.
• Junie – Gibraltar kom in Marokkaanse hande
• Junie – Die vierde beleëring van Gibraltar begin. Alfonso XI van Kastilië probeer dit terug te verower op die Marokkane en op Muhammed IV van Granada.
• Augustus – Muhammed IV word gedwing 'n wapenstilstand te teken. Sy edele vermoor hom.

Rome

• 2 Desember – Pous Johannes XXII publiseer sy bul "Summa providit altitudo consilii" oor die Universiteit van Salamanca en sy katedraal.
• 19 Desember – Die sienings van Pous Johannes XXII oor die lewe na die dood word veroordeel deur 'n vergadering van teoloë by die Universiteit van Parys.

Sjina

• Die oorstromings van die Geelrivier wat sedert 1332 aanhou, het 7 miljoen mense gedood.

Sterftes

• Augustus – Muhammed IV van Granada.
• 16 Oktober – Teenpous Nicolaas V. (*ongeveer 1275).