Delfina Benigna da Cunha
Delfina Benigna da Cunha (São José do Norte, 1791ko ekainaren 17a – Rio de Janeiro, 1857ko apirilaren 13a) brasildar poeta izan zen.
| Delfina Benigna da Cunha | |
|---|---|
 | |
| Bizitza | |
| Jaiotza | São José do Norte, 1791ko ekainaren 17a |
| Herrialdea |  Brasil |
| Heriotza | Rio de Janeiro, 1857ko apirilaren 13a (65 urte) |
| Hezkuntza | |
| Hizkuntzak | portugesa |
| Jarduerak | |
| Jarduerak | poeta eta idazlea |
Bizitza
aldatuJoaquim Francisco da Cunha Sa e Meneses ofizial militar erregezalearen eta Maria de Paula e Cunharen alaba[1], Delfina Benigna da Cunha 1791ko ekainaren 17an jaio zen São José do Norten (Hegoaldeko Rio Grande)[2]. 20 hilabete zituela, baztanga hartu zuen eta ikusmena galdu zuen[3][4].
Aitak koroari emandako zerbitzuagatik, pentsioa jaso zuen[1]. Bere lehen urteen inguruko iturri gutxi daude, baina 1826an Petri I.ari eskaini zion poeman oinarrituta, hezkuntza formala lortu zuela ondoriozta dezakegu[5]. Iturri batek dio soneto honengatik edo enperadoreari eskainitako poema sorta batengatik pentsioa lortu zuela[6]. Poesias oferecidas às senhoras rio-grandenses liburua Hegoaldeko Rio Granden argitaratutako lehen idazlana izan zen[3].
Monarkiaren defentsan ere idatzi zuen eta Zatarren Iraultza gogor kritikatu zuen, batez ere Bento Gonçalves militar eta politikaria[6]. Bere posizio politikoa zela eta, Rio de Janeirora joan zen 1835ean gatazka piztu zenean eta bertan egon zen hamar urtez. Garai horretan, literatura-zirkulu bat sortu zuen eta hainbat emakume poeta ospetsu ezagutu zituen, besteak beste Beatriz Francisca de Assis Brandão[1].
Da Cunharen lanaren zati handi bat literatura-historialariek alde batera utzi zuten[7]. Bere bizitza eta lanen kontu batzuk gaur egunera arte iraun dute Stella Leonardosi esker, zeinak bere biografia eta literatura-ekarpenak erabili zituen poesian[7].
Delfina Benigna da Cunha 1857an hil zen Rio de Janeiron[1]. 1994an, Stella Leonardosek O romanceiro de Delfina argitaratu zuen, poeta protagonista duen eleberri historikoa.
Lanak
aldatu- Poesias offerecidas as Senhoras Rio-Grandenses por sua patricia (1838)
- Poesias oferecidas às senhoras brasileiras (1838)
- Coleção de várias poesias (dedicada à imperatriz viúva) (1846)
Erreferentziak
aldatu- ↑ a b c d (Ingelesez) «Delfina Benigna da Cunha» Women and Independence in Latin America (Noiz kontsultatua: 2024-10-13).
- ↑ (Ingelesez) Suriani Da Silva, Ana Claudia. (2014). Books and Periodicals in Brazil 1768-1930. Oxon: Routledge, 184 or. ISBN 978-1-909662-32-2..
- ↑ a b (Portugesez) Diel, Vitor. «AJEB-RS instala poeta gaúcha Delfina Benigna da Cunha como patrona» Literature RS 2021-05-07 (Noiz kontsultatua: 2024-10-13).
- ↑ (Portugesez) «Delfina Benigna da Cunha – (1791-1857)» Antonio Miranda (Noiz kontsultatua: 2024-10-13).
- ↑ (Portugesez) Flores, Moacyr. (2002). República Rio-Grandense: realidade e utopia. Porto Alegre: EDIPUCRS, 213 or. ISBN 85-7430-310-0..
- ↑ a b (Portugesez) «Delfina Benigna da Cunha (1791-1857)» Mulher 500 Anos Atrás dos Panos (Noiz kontsultatua: 2024-10-14).
- ↑ a b (Portugesez) Ribeiro, Gladys Sabina; Carula, Karoline. (2021). Poderes, cidadania, trocas culturais e socioeconômicas no Oitocento. Alameda Casa Editorial ISBN 978-65-5966-028-5. (Noiz kontsultatua: 2024-10-14).
Kanpo estekak
aldatu
Datuak: Q10264856
Multimedia: Delfina Benigna da Cunha / Q10264856
