Tafonu di u Cumpuleddu
U Tafonu di u Cumpuleddu (o Tafone di u Cumpulellu) hè un situ muntagnolu rimarchevuli di Corsica. Si trova annantu à a cumuna di Zonza. U tafonu di u Cumpuleddu si trova à un'altura di circa 1350 metri, vicinu à i Furchi di Bavedda. U diamitru di u tafonu hè 8 metri.
U nomu corsu "Tafonu di u Cumpuleddu" faci rifarenza à un "cumpuleddu", veni à dì un picculu compulu, un locu sarratu ind'iddi stani l'animali com'è i pecuri o i capri. U locu era in i tempi un pasciali pà i pastori. Difatti, u "tafonu di u Cumpuleddu" ùn hà nienti à veda incù u nomu francesu chì si riferisci à u "tafonu di a bomba", postu chì u tafonu in a roccia hè statu caghjunatu da l'azzioni naturali di u ventu è di l'acqua annantu à u granitu.
Itinerariu
mudificà
Ci voli circa dui ori è mezu par andà à u Tafonu di u Cumpuleddu è par vultà. Si parti da a foci di Bavedda è si pidda prima à mani dritta u GR20 (strisci bianchi è russi). Si parti da a funtana di Cannonu, à un'altezza di 1180 metri, à circa 400 metri à l'estu di a foci di Bavedda. À un mumentu datu, si sbocca in un valdu è u stradeddu passa accantu à una cappedda. Si sbocca dopu à mezu à i pini larici. In l'ultimi metri, a prudenza hè ricumandata.
Da veda dinò
mudificàLiami
mudificà
| I munimenti naturali di Corsica |
|
Arcu di l'Ursini - Arcu di u Scandulaghju - Lionu di Roccapina - Omu di Cagna - Tafonu di u Cumpuleddu - |