Сэрфінг

Сэрфінг (па-ангельску: surfing — сьлізгаценьне) — водны від спорту.

Сэрфінг на Гаваях

Гісторыя

Сэрфінг узьнік у Палінэзіі. Упершыню быў апісаны ў канцы XVIII ст. пасьля наведваньня экспэдыцыяй Дж. Кука Гавайскіх астравоў. Акрамя Гаваяў быў добра вядомы на Самоа і Тонга.

Папулярызацыя сэрфінгу ў ЗША адбылася дзякуючы выдатнаму плыўцу гавайскага паходжаньня Дзюку Каханамоку (1890—1968), які распачаў катаньне на дошках па хвалях у Каліфорніі. Пасьля II Сусьветнай вайны гэты спорт разьвіваецца і ў іншых краінах сьвету.

Для прыхільнікаў сэрфінгу характэрна наяўнасьць асаблівай субкультуры.

Разнавіднасьці

Цяпер сэрфінг падзяляецца на шмат розных відаў: сэрфінг на доўгай і кароткай дошках, віндсэрфінг (з выкарыстаньнем ветразя), бодысэрфінг (бяз дошкі) і г. д.

Літаратура

• Беларуская энцыкляпэдыя: У 18 т. Т.14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — Т. 14. — 512 с. — 10 000 ас. — ISBN 985-11-0238-5 (Т. 14)

Вонкавыя спасылкі

Сэрфінг — сховішча мультымэдыйных матэрыялаў