Reino de Cerdenya
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Reino de Cerdenya estió un estau situato arredol d'a isla de Cerdenya mientres mas de cinco sieglos. Anque en a suya historia encluyó atros territorios como Corcega u Saboya, o estau siempre se dició reino de Cerdenya. Antis de que s'establise a monarquía en a Cerdenya, a isla yera dividita en chuzgatos u giudicatos que yeran gubernatos por chudeces.
| Reino de Cerdenya Regnum Sardiniae i Corsicae (1297-1479) Regnum Sardiniae (1479-1720) | ||||
| Reino d'a Corona d'Aragón | ||||
| ||||
| ||||
 | ||||
| Capital | Cáller | |||
| Idioma oficial • Atros idiomas |
Sardo, castellano y catalán italiano, francés, occitán | |||
| Relichión | Catolica romana | |||
| Gubierno | Monarquía | |||
| Rei • 1297–1327 • 1849–1861 |
Chaime II d'Aragón Vitor Manuel II d'Italia | |||
| Miembro de: Corona d'Aragón | ||||
O primer reino fue creyato por Frederico I Barbarroya en 1164. Feba parti por aquellas envueltas d'o Sacro Imperio Romano Chermanico, anque a sobiranía imperial sobre Cerdenya yera desputata por o Papato. En 1297, o Papa Bonifacio VIII creyó un nuevo reino ta solucionar os pleitos entre a Corona d'Aragón y la casa d'Anchú dimpues d'as Vespras Secilianas. O nuevo rei n'estió Chaime II d'Aragón.
En 1718 a casa de Saboya adquirió lo reino como premio a la suya partecipación en a Guerra de Succesión Espanyola y dende l'inte a capital de facto estió Torino. A sobén se fa referencia a lo estau d'iste periodo como lo Reino de Piemont-Cerdenya. Aintro d'as suyas mugas encluyiba, amás d'a isla de Cerdenya, Saboya, Piemont y lo condau de Niza. En 1792 y dimpués d'a Revolución Francesa, o ducau de Saboya orichinal fue ocupato y se convirtió en o departamento francés de Mont-Blanc, pero en 1814, con o congreso de Viena, o rei recuperó as suyas posesions y amás obtenió tamién, en 1815, o control d'a Republica de Liguria.
En 1860 Niza y Saboya se cedioron a Francia por l'aduya que iste país heba dato en a campanya d'unificación d'Italia. En 1861, o reino de Cerdenya se convirtió en un d'os fundadors d'o nuevo Reino d'Italia, y dende allora desapareixió como estau independient.
| Corona d'Aragón | 
|
|---|---|
| Aragón | Atenas | Catalunya | Cerdenya | Mallorca | Nápols | Sicilia | Neopatria | Sinyoría de Montpeller | Valencia | |
Datos: Q165154
Multimedia: Kingdom of Sardinia / Q165154
