Bellón
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O bellón (d'o francés billon, lingot) ye una aliación d'archent y de cobre, que contiene arredol d'un 50% de cobre. Si o metal que predomina ye l'archent, se diz que ye un bellón rico, en caso de predominar o cobre, bellón probe. S'ha emplegato mas que mas ta cudir monedas y medallas en epocas con escaseza de metals nobles y de devaluación monetaria.
L'uso mas amplo d'o bellón estió en l'antiga Grecia y en a Edat Meya. Por eixemplo, mientres os sieglos VI y V aC bellas ciudaz d'a isla de Lesbos emplegaban monedas feitas d'un 60% de cobre y un 40% d'archent. En a Edat Meya o contenito d'archent va baixando, plegando dica un 25% u un 20%.
En periodos d'inflación, como o sieglo III en Roma u mientres as revueltas de 1620 en l'imperio d'os Habsburgo, as monedas d'archent, debito a la baixada contina y gradual d'o contenito d'archent, rematan estando monedas de bellón.
Por un regular en numismatica se fa servir o termín bellón ta referir-se dreitament a troz de metal emplegato ta a cudición d'a moneda independientement d'a suya composición.
Se veiga tamién
editar
Datos: Q911380
