Dolfynkus
Die Dolfynkus is langs die noordkus van KwaZulu-Natal. Dit strek van die Tongaat-rivier by Zimbali tot Zinkwazi-strand en die Tugelarivier in die noorde, insluitende die binnelandse gebiede van Umhlali en Shakaskraal.
Die streek het sy naam te danke aan die Stompneusdolfyne wat gereeld naby die strand gesien kan word. Die gebied is bekend vir sy ongerepte strande, interessante rotsformasies en swempoeletjies tussen die rotse. Dit is gewild onder toeriste wat in die warm waters van die Indiese Oseaan kan baljaar.
Dorpe langs die Dolfynkus sluit in:
- Ballito
- Salt Rock
- Princes Grant
- Tinley Manor
- Umhlali
