Dageraad
Die Dageraad (Chrysoblephus cristiceps) is 'n skaars en endemiese vis wat aan die kus van Tafelbaai tot by Durban aangetref word. Dit is meer volop suid van Oos-Londen. Dit word tot 70 cm lank en kan tot 8.7 kg weeg. Die vis is pienk tot rooi en wit aan die onderkant. Hulle het 'n kenmerkende donkerrooi vlek aan die punt van die rugvin. Volwasse visse het blou lyn onder die oë. Groot volwasse visse ontwikkel 'n hoë voorkop.
| Dageraad | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | C. cristiceps
|
| Binomiale naam | |
| Chrysoblephus cristiceps (Valenciennes , 1830 )
| |
| Sinonieme | |
Die jong visse is pienk met 'n horisontale band deur die middel van die lyf en twee vlekke onder die rugvin.
Die vis word aangetref op aflandige rotsriwwe tussen 25 tot 100m diep. Hulle kom in skole voor.
Hulle vreet meestal in die vroeë oggende en vreet dan krappe, wurms, tjokka, vis en seesterre. Hulle word ook gevang met 'n verskeidenheid aas. Die vis is oorvang en aksie is nodig sodat die bevolking kan herstel.
Sien ook
wysigBronne
wysig- Ensiklopedie van Suidelike Afrika, Eric Rosenthal, 1967
- Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
Verwysings
wysig- ↑ MarineSpecies.org (en)